[يمان Rooooonaldo]

مشان مشروع اني غرقت بشبر مي بهي القصة .. هي الارقام بين ايديك خبرني شو بصير معك

(( مع تظليل ))

رهيبة .. ضحكتني عليها وزكرتني بالموضوع ..


هلا لو بدنا نجي للمقصود بالكلام اللي هون وحسب ما بعرف .. بكون على الشكل التالي مثلا ما عرفت عن اني بلد عم تحكي يمكن عن سوريا بس .. بكون الحكي كالتالي ..


Economy Gross domestic product (GDP, in U.S.$) $33.4 billion (2006)

بعام ال 2006 .. كان مجموع ناتج الانتاج المحلي .. داخل سوريا بيساوي 33.4 بليون دولار .. يعني بالاحرى كلشي عمليات انتجت داخل حدود البلد المذكورة .. " سواء كانت من شركات محلية او شركات اجنبية عم تستثمر بالبلد بس المهم انو هية عم تنتج جوا وداخل البلد العاملين فيو الاحصاء " مواد انتاج .. ايا مادة انتجت داخل سوريا ..
" فرضا مع اني ما بتوقع يكون الحكي على سوريا مثلا " .. بيساوي 33.4 بليون دولار امريكي .. " طبعا هي الارقام ام بتتضمن المواد اللي هية لساتا ضمن التصنيع كانت لا .. ولكن بس بيدخل فيها المواد اللي بتكون Final good .. بس .. اما المواد اللي بتكون لسا عم تتصنع .. أو بالاحرى المواد .. اللي بتكون مصنعة وخلصت ولكن ما بتنباع او ما بتستخدم فورا للمستهلك وإنما .. بتروح لتصنيع شغلة تانية .. كمان ما نستخدمها .. هون ولكن بس نتضمن ال Final good دائما وقديش كلفتنا "

GDP per capita (U.S.$) $1,721.30 (2006)

هلا بالنسبة لهي الفقرة .. هية عبارة عن .. قيمة الانتاج لكل شخص موجود ضمن هاد البلد من الانتاج المحلي الكامل للبلد .. يعني عمليا .. متل المتوسط اللي بتقوم بحسابه انت لكل شخص قديش قدر يأنتج ويضيف للانتاج المحلي للبلد عن طريق .. تقسيم ال GDP .. على ال كامل عدد السكان عندك .. وبيعطيك المعدل والافريج للشخص الواحد ..

National budget (U.S.$) Total revenue $17,470 million (1999)

الميزانية .. القومية .. او ميزانية البلد بالأحرى .. ما بتوقع بدها شرح .. متل كل سنة .. قبل بداية السنة المالية الجديدة .. بيقوم مجلس الشعب .. او مين ما بعرف بالضبط .. بس بامريكا مثلا البيت الابيض .. باعلان الميزانية .. لهي السنة الجاية .. وبيتم توزيعها بعدين حسب .. الاحتياجات .. والتوجيهات .. وهية عبارة عن 17.470 مليون دولار امريكي هون بعام ال 1999

National budget (U.S.$) Total revenue $17,470 million (1999)

ايرادات الدولة .. خلال سنة ال 1999 .. كانت عبارة عن 17.740 مليون دولار ..

Total expenditure $17,470 million (1999)

ونفس الوضع .. مصاريف الدولة خلال نفس السنة .. كانت نفس المبلغ .. لانو اقتصاديا .. مفروض يكون عندك دائما ..

GDP = TR = T Exp ..

ما بتوقع يكون في داعي لنحكي اكتر من هيك حاليا .. وازا كان في ايا استفسار تاني .. او غلط بالحكي .. بكون عراسي اللي بدو يحكي ..


سلامات ..