[I_Love_Syria]

من وقت ما دخلت على هالمنتدى وموضوع الحجاب صار مطروح أكتر من مرّة ودائماً بتتكرر العبارات هي:

كاتب النص الأصلي : nahla12

الحجاب جاء ليحجب المراة عن المجتمع ليحجب عقلها عن التفكير وطبعا هذا رايي ...
الحجاب هو عادة جاهلية جاءتنا من الصحراء و وطبيعتها التي تفرضه على المراة
وانا اعتبره رمز للعبودية وإلغاء لشخصية وكينونة المرأة التي خلقها الله حرة كالرجل

مابعرف ليش بينربط موضوع الحجاب بالجهل وحجب التفكير, يعني شو المقياس أو الرابط بين الحجاب والتفكير, أو بين الحجاب والعقل عم حاول لاقي رابط بس ما عم لاقي.
هلأ أنا بشوف إنّو في نسبة كبيرة من يلي مو متحجبين جاهلين ومابيفكروا

انا اجبرت على لبسه لاعن قناعة ولكن بالترهيب ولكن عندما استطعت خلعه رميته لاني لست مقتنعة به ولم اشعر بانسانيتي الا وانا بدونه .....

في حال إنتي أجبرتي على لبسوا فهاد ما بيعني إنو كل البنات مجبرين على لبسوا يعني ما تعممي حالتك أو حالت مية أو ألف أو مليون متلك عالباقي, لإنو في كتير بنات لبسوه عن قناعة وتفكير كتير حتى بعرف منهن مين صار بينو وبين أهلوا مشاكل كرمال الحجاب.

فإنو ارحمونا من التعميم وخصوصي تعميم التجارب الشخصية على مجتمع كامل