اي بما يخص موضوع الامتحان اللي نجحت في واللي كل العالم عم تباركلي وما حدا عرفان شو قصة هالامتحان
هادا يا اخوتي من فترة شي تلت شهور بلشت شغل بشركة جديدة شركة خدمات مالية اسمها World Financial Group
هيي من الشركات الاسرع نموا بامريكا حاليا مدعومة من شركة Aegon اللي تعتبر وحدة من اقوى 100 شركة بالعالم (تم تصنيفها رقم 82 من بين اكبر 2000 شركة عالميا )
الشركة متخصصة بمساعدة العالم الطبقى المتوسطة بتنظيم اموالهن مشان يقدرو يتقاعدو يبعتو ولادهن عالجامعة مشان يشترو بيت بشكل عام مشان يحققو اهدافهن والشركة عم تشتغل شغل اكتر من رائع مع العالم
تعامل الشركة بشكل اساسي هوي مع انشورانس للحياة مع الاستثمارات مع شي اسمو Mortgage بالاضافة لشي اسمو debt consildation
هلأ انشورانس الحياة معروف
الاستثمارات معروفة
منجي للمورتغيج واللي هيي بعبارة تانية رهن البيت بحيث بتاخد قرض من البنك وبتصير بتوفي وفي حال ما قدرت توفي بيحجز البنك على املاكك (هيي معقدة الشغل حبتين زيادة بس هيك شرحتها بشكل بسيط )
و اخر شغلة ال debt consildation (هاي الخدمة بحبها اكتر شي ) الشرح عنها يطول ويطول بس بكلمتين نضاف
في كتير عالم هون معاها كريديت كارد وبيشترو كل شي عالكريديت كارد وبيصير بيدفعو الحد الادني الشهري من الكريديت كارد تبعهن وبتصير شركات الكريديت تقص منهن مصاري عالرايح والجاي
هلأ متوسط العالم بامريكا كان مديونين بمقدار 9000 دولار بسنة 2005 هالسنة هاي بسبب سوء الوضع وصل لل 12000 بهالخدمة هاي نحنا منقدر نحكي مع شركات الكريديت بحيث ننزل هال 12000 ل 6000 يعني الواحد بيدفع 6000 وخلص مشي الحال وفي الدين اللي علي
هاي بشكل اساسي الخطوط الاربعة اللي منتعامل معاها (داق خلقكن بعرف واسا ما حكيت عن الفحص هههههه )
هلأ اخر تنتين ما بدهن شهادات مشان تشتغل فيهن
بس اول تنتين اللي هني الانشورانس والاستثمارات بدك شهادات
قدمت اول فحص اللي هوي فحص الانشورانس ونجحت في بتاني مرة لانو اول مرة قدمت وما نجحت وصار بيحقلي اقبض من الشركة (لانو ما كان بيحقلي اقبض بدون شهادة الانشورانس )
هلأ رح قدم فحص الشهادات تبع الاستثمارات قريبا ممكن باخر اب قبل ما بلش مدرسة
بس مشكلة الفحصين انهن صعبين كتير كتير كتير كتير ومعقدين
المهم رح حمّل صورة البيزنس كارد تبعي (كببيييييييييييييير وصار عندو بيزنس كارد كمان ههههههههه )
بس طبعا بعد ما خفيت رقم الموبايل تبعي مشان ما حدا يحكيني
