مـا بعرف ازا بحقللي جاوب ع الاسئلة بما اني من عرب ال 48 ..لان يمكن اسئلتك موجهة اكتر للعرب بالدول العربية ..
لكن ما قدرتش امنع حالي عن اني اجاوب:
اقتباس:
|
هل اجدادهم مذنبون لبقائهم في بيوتهم بالرغم من فرض الهويات الاسرائيليه عليهم
|
والله انا عن نفسي فخورة باجدادي انهن ضلوا وانو اعطوني الفرصة اعيش بهالارض واتنفس هواها واندفن فيها لأنو ما الي تراب وولا سما وولا بحر غيرها.. واعتقد انو كل عرب ال 48 بتفقوا معي =)
اقتباس:
|
ما رايكم بالدروز الذين فرض عليهم الخدمه المدنيه في اسرائيل وقبلوها بشكل او باخر؟ (طبعا هناك بعض من الدروز يرفضون بشكل قاطع الخدمه المدنيه).
|
بتعلق ازا هالدرزي عم يأديها بكل حب ووطنية لاسرائيل أم عم يأديها رغما عنو..يعني هو كيف حاسس من جوة..بالمجمل عندي تحفظات على هالنقطة!
اقتباس:
|
هل التخلي عن عروبتهم حل للعيش بكرامه في "بلادهم"؟
|
كنت بفضل لو كان السؤال "التخلي عن هويتهم القومية".. لانو العروبة والعرب ما عم يجينا منهن اشي..
لأ طبعا العنصرية موجودة بكل مكان ان تخليت عن قوميتك ودينك او لا..يعني خد ع سبيل المتال الدروز اللي بيخدموا بالجيش وبكون عندهن انتماء قوي جدا لاسرائيل..حسب رأيك ما بتتعامل معهن الدولة بعنصرية؟!!!..بالعكس يمكن المسلم اللي ما بخدم عايش احسن من الدرزي اللي خدم..حاج نضحك ع حالنا العنصرية موجودة موجودة حتى لو بست ايديهن ..ولما نتخلى عن تاريخنا اكتر واكتر مش رح نعيش بكرامة بالعكس رح يطلّعوا علينا باحتقار اكتر!
اقتباس:
|
هل هم حياتهم افضل من حياة عربي تحت حكم عربي ؟
|
هلأ ازا شلت مسالة العنصرية..وجيت ع مسألة حرية التعبير والتظاهر والتصويت..الى آخره..اعتقد انو عايشين بنعمة! ..يعني كمان الانسان لازم يحكي بعـدل =)
لا تَقُل : يا رب عندي هَـمّ كبير
ولكن قُل : يا هـمّ عندي ربّ كبير :]
؛
يا ريـحة البـلاد يا عطر الفّواح ..غـالي علينا يا تراب بلادنا
|