للصراحه ..
انا وحالي... يعني كيف اقولها .. تنين .. منفردين تمام للانفراد.. انا عايشه بالعالم الداخلي اكتر بكتير من الخارجي ....
مش معنى انفصام شخصيه ... ولا مرض التوحد....
بس الحياه لي جوا شوي مسيطره عالجو الطبيعي والكامل ... يعني انو شو بيعمل الواحد بخيبة الامل من برا.. حال الواحد هي المرجع الوحيد لكل شعور .. وبالاخص الشعور السلبي ....
وبما انو... الحياه شوي هيك مش مزبطه امرها معي ... فانا وحالي دنيا كامله.. ومؤلفه من تنين ..
انا وحالي اكتر اشي صحاب ... بس بالحقيقه كتير بتصير طوش ... انا بزت عليها كرسي .. بتفشخني بشي حجر..
لانو بتصير اختلاف بوجهات النظر مرات ... هيي بتقول انو لازم الواحد يكون منفتح.. وايما بتتهمني بضعف الشخصيه.. وانا دايما بلاقي مبررات لافعالي النابعه من ضعف الشخصيه ... وانا بعرف انو حالي معها حق.. دايما هيي بتغلبني بالحديث ... بس يعني الواحد .. شو بدو يعمل ... هيك الحياه......
بتمنى انو تتفهموني ... وتوخدوا موقف معي ضد حالي بالخناقات الطبيعيه .... ازا بتوقفوا مع حالي ضدي .. بزعل ..
وعفكره حالي رح تزعل ازا قلتوا عني وعنها مجانين ...لانو احنا مش مجانين ..
