[Maher 4x4]

أسامة مو بأيدي ...أنت طلعت بوشي ..
أجيت و عشرطعشر شيطان عم يتنططوا بخلقتي ... يالله لشوف كلو برا الصالون و سكروا الباب منيح مشان ما يطلع صريخو لبرا و يفضحنا ... ولا حدا يقرب ع الباب مشان ما تلحقو شي طرطوشة ... يالله حبيبي ع بساط الريح يا تقبرني..

1. وينك أنت ؟
2. قدي طولك ؟
3. قدي وزنك ؟
4. قدي نمرة رجلك ؟ إتس يور كويسشن!!
5. شو نوع أو (( الستايل )) تبع الألبسة اللي بتلبسها ؟
6. لما واحد يسألك شو دينك ...شو رأيك بهالسؤال باعتبارو محبوب كتير عند الشعوب المتخلفة ؟
7. برأيك هالناس بهالمجتمع بيلبقلون الواحد يكون صريح و صادق وقلبو طيب معون ؟
8. برأيك هالمجتمع مجتمع حيوانات بالغابات ولا مجتمع بشر بهالعالم ؟
9. أذا حطوك رئيس للجمهورية شو بتعمل ؟
10. شو رأيك بالضغوط على سوريا ؟
11. شو رأيك بأميركا ؟
12. شو رأيك ببريطانيا ؟
13. شو رأيك بفرنسا ؟
14. شو اهتماماتك و شو تعلمت بروسيا ؟
15. شو عم تدرس ؟ وهل أنت مهتم باللي عم تدرسو ؟
16. شو هدفك بهالحياة ؟
17. أنت بتفكر بعقلك ولا بعواطفك؟

18. شو بيقولولك أهلك بس ترجع ع سوريا بشي أجازة أو عطلة...شو بيسألوك يعني ..؟
19. شو رأيك بهالغربة اللي أنت فيها و شو شعورك ؟
20. عدد أقسام الصاروخ الباليستي و شرح عن ميزاته باختصار ؟
21. سوريا لازم يكون عندها قنبلة ذرية ولا لأ ..وليش ؟ ...
22. سوريا لازم يكون عندها طاقة ذرية للأغراض السلمية ولا لأ.. وليش ؟

23. شو رأيك بهالأمة العربية ال *** ؟
24. أذا الله حاكم ع أغلبية أمة العرب بالفشل و التخلف و التبعية ... حدا بيقدر يوقفو شي ؟
25. كمان شو الحل مع هالتخلف ؟

تنشوف رأيك أذا انوضعت بهالمواقف :

26. أذا أنت بهالدنيي مو عامل شي لحدا (( يعني آدمي )) بس هالناس كلها متسلطة عليك شو بتعمل ؟ و ليش بهالحالة الناس بتكون متسلطة عليك ؟
27. إذا أنت واحد بتحب تعيش هالحياة متل ما بدك و كيف ما بدك و ع تفكيرك و ع حسب تجربتك الخاصة بدون ما تآذي حدا... و في شي مليون بني آدم حابين يغيروك أو يتحكموا فيك و أولهون أهلك ... شو بتعمل ؟ وشو موقفك ؟
28. أذا أجا واحد عمل معك فصل بايخ متل وشو و أجاك شي مليون واسطة تتسامحو ... ومن كتر الضغط سامحتو بس مو من قلبك بالكلام... لأنو ما اعترف بغلطو... و هوي حس بهالشي و مصر تكون المسامحة من قلبك ... شو بتعمل ؟
29. أذا واحد أو وحدة كبيرة بنظرك و بتعزها و غالية عندك ...غلطت معك أول مرة و سامحتها و التانية وسامحتها أو حتى ما أهتميت طنشت وكبتت القصة بقلبك وكذلك الغلطة التالتة و كلها أخطاء حقيرة بتخليها تنزل من عينك ... بتنسى و بتغير نظرتك ألها و تعاملك معها ؟ ولا بتنفجر بوشها و بتسفقها بهدلة ما تنساها بحياتها وبتقلعها ؟
30. شو شعورك وأنت تحت الضغط بال Pressure Machine تبعي ؟

يالله رح خليهون تلاتين سؤال حاجتك (( الثالوث الأقدس* 10 = 30 ))

بس ما فشيت خلقي لسا بس رح أجهز ع الكايبورد وأخلص منو ....

يللي بعدي !! فينك تكمل بس يمكن احترقت الطبخة



سلااااااااام