كلش زين لقيت هلموضوع ..حتى اكتب بيه عن اللي دا امر بيه هسه..
ضايجة...ليش ..؟
لك شنو اللي بها الحياة مايضوج..لا اقدر احقق ذاتي ..ولا اعبر عن نفسي بالشكل اللي يعجبني..متعلقة بين السمة والكاع ....ووقود الامل راح يخلص ولسه ما صار شي يستاهل كل هلانتظار..
والاسوء من كلشي انو اني فاقدة ثقتي بالناس...يعني ما اعرف ليش هيج كلها تغار وتكيد وتتأمر ..
لو تدرون البارحة ..اقرب ناسي لي..قريبتي دمها دمي ..فجأة تشوفني وما تسلم عليه ..بلا ما تصير مشكلة ..
بلا ما نتعارك..بلا مانتجادل ..قبل اسبوع حكينا مع بعض وقالت انها كانت مريضة ولما شافتني طابت..
((ما اخفيكم سر انو اني حدسي قوي وكنت حاسة بها الشي بس كنت ما مقتنعه ..كذبت حدسي وظليت واثقة بيها..وقلت لحالي ..حتى اذا قصرت معي احمل اخاك على 70 محمل..بس الظاهر كانت تضمر الحقد من زمان ..))
والله شو ماحكيت ماراح تحسوا بالنار اللي جوة قلبي ...
مع اني اقول بنفسي الحمد لله اني مظلومة ومو ظالمة ..
بس حرام هيج يصير بالناس الطيبين..موهيج..
بليز لاتستسهلون جرح الاخرين..
