[معتر ليش ما بعرف]

اول شي بحب اتشكر الاخت الامورة بنوتة حلب على هالموضوع الشغلة ... تاني شي الملاحظ انو البنات عم يميلو ليحطو الحق عالشباب والشباب عم يميلو ليحطو الحق عالبنات وهكزا ... انا من جهتي لو يكون راي كل واحد عن الموضوع عشكل موقف متجرد من كل شي يعني سؤال جوابو نعم او لا ... بتوافق تتزوج بنت مغتصبة ... لانو هيك موضوع متشعب كتير كتير يعني ازا حطينا الحق عالبنت وقلنا انو هيي عم تغري الشب ان كان بلبسا او تصرفاتا او شو ما كان يكون لحتا هوي يقوم باغتصابا رح تطلع البنت غلطانه والحق عليها وازا قلنا انها كانت محتشمة ومؤدبة واخلاقا عالية بس انحطت بموقف وما كانت قدو رح تطلع مظلومة والحق عتربية الشب ... والله هالايام الي مدور انو يتزوج بنت اخلاقا عالية وقد حالا وبيقدر يوثق فيها صاير عالشي صعب كتير لانو الي عم نشوفو بالشوارع عنا بسوريا يعني لا باوروبا ولا بامريكا ولا بمحل تاني شي بشيب الشعر ... بس مني وعليي وبرأيي لو اني حبيت بنت حبيتا عن جد وتولعت فيها وعرفت اخلاقا ووثقت فيها تمام ( وطبعا هاد عندي صعب شوي لاني ما كتير صحبة مع الاناتي ) و بعدين اعترفتلي انها مغتصبة انا ما برضى لاني شرقي وراسي يابس