بيعجبني اللي بيحكوا بالمنطق
تهور ... الشغلة تهور ... ومدام عم تحكوا منطق خلونا نشيل العواطف على جمب ونحكي منطق وبتمنى تجاوبوني على نقطة نقطة بكلامي
1- اسرائيل وأمريكا بدهم يقضوا على حزب الله ... حتى اخترعوا شغلة الطيارات اللي بدها تتفجر مشان يقولوا للعالم نحنا مساكين وهدلون المتوحشين بدون يقتلوا فينا مشان هيك لازم نقضي عليهم ... وعم يلعبوا لعبة وااااااااضحة لكل واحد حتى ما بيفهم بالسياسة مشان يقضوا على حزب الله
طبعا لسه هون هايدي وقائع مش منطق ... نيجي للمنطق
مالكم شايفين معي أن أمريكا وأسرائيل قاعدين عم يحطوا أعذار للشي اللي عم يساووه لأنهم بنظرهم عملية "التهور" حزب الله مش كافية كمبرر حتى يقضوا على حزب الله وقاعدين عم يطلعوا أعذار تانية... وأنتوا بكل بساطة هلأ معتبرين "التهور" مبرر أن أمريكا تقضي على حزب الله
معناها أمريكا منطقية أكتر منكم يا منطقيين...مو؟
2- إذا أمريكا واسرائيل عم تحكي هيك وواضحة أهدافها حتى للي ما بيفهم سياسة... وأنتوا عم تحكوا هيك وعم تغنوا على دقها ... ممكن تقولولي شو بعتبروا حالكم؟ بظن سؤال منطقي ؟
3- حماس طول عمرها بتساوي "مغامرات" وقبل كم يوم خطفوا جنود اسرائيلين مشان يبادولهم بأسرى بعدها بكم يوم حزب الله ساوى نفس الشي... بتقدروا تقولولي بكل منطق ليش كلمة متهورين انقالت على حزب الله ما انقالت على حماس مع أنه الشهداء الفلسطينين أكثر من شهداء لبنان رغم أن إعلامنا ما عم يذكر هالشي؟ بتعرفوا أن غزة عم يموتوا مية موتة بهالأيام بالقصف الإسرائيلي؟
4- السعودية يوم صرحت أنها مغامرة ونحنا مالنا علاقة بالمغامرات معروفة أنها ما بدها الشيعة يقووا بس أنتو مالي فهمان ليش عايمين على عومها...لا تقولولي الدمار لأن الدمار هيك هيك حيصير اليوم ولا بكرة حيصير ... طبعا حقولكم ليش بس دقيقة اقرأوا النقطة اللي بعدها مزبوووط
5 - ما بعرف شلون الإنجليزي تبعكم بس بتمنى تفوتوا هون وتقرأوا مزبوط
موقع القوة الجوية الأمريكية
http://www.armedforcesjournal.com/2006/06/1833899
يعني هالقصة اللي صارت هيك هيك عم تصير
وهيدي قبل حرب لبنان بشي 3 شهور....يعني صار الشي اللي صار ولا ما صار نفس الشي يا معلمين
6- يا أخي طول عمر المقاومة شغلهم مغامرات وبصراحة طلعت مغامرة محسوووووووووبة مزبوووووط إذا لهلأ الإسرائيلي عم ياكلوا هوا هههههههه وبتقلي مغامرة...لك يسلملي رب المغامرات إذا محسوبة لهالدرجة...أنا بقرأ الصحف الإسرائيلية كل يوم...عم يبكوا يا معلم...بتعرف شو معنى عم يبكوا
لأول مرة بتاريخ اسرئيل بتنقصف بنص بيتها...
لأول مرة بتاريخ الصهاينة بيطلبوا مساعدات دولية لإنقاذ حيفا وبيعملوا تبرعات
لأول مرة بتاريخ الصهاينة بيكتشف العالم أن سلاحهم ما بيسوى قشرة بصلة وتركيا بتلغي صفقة أسلحة بـ 500 مليون دولار
انتخابات مبكرة باسرائيل مشان يطلعوا أيهود أولمرت ههه
لأول مرة بتاريخ الصهاينة عندهم نازحين وعندهم ناس طول وقتها بالملاجئ وعندهم فطايس بهالأعداد....ورغم أن الصحف ممنوعة تكتب كل شي...بس بعرف ناس بيحيفا عم يقولولي ما عم ننام والخوف قاتل اليهود قتل....غير أن القتلى أقل شي 3 أضعاف اللي عم ينحكى
وبتقلي مالها محسوبة
7- كل حرب فيها ناس حتضرر...وبكل حرب فيها ناس بتموت بس قارن
1982 وصلت اسرائيل لبيروت .... ودمرت كل شي
هلأ مالها قادرة تفوت مارون الراس رغم كل هالقوات اللي ماسكتلي التوراة وعم يبكوا ويصلوا ههه
لك خليها مغامرة ... أقل شي عم يدافعوا عنك وعني وعن كل لبناني حتى الوسخين فيهم
بدكم المقاومة تروح مشان تاني يوم نروح كلنا بشربة مي
وين المنطق بكلامكم؟
8- إذا أنت مش مع يعني أنت ضد...هي حرب ما فيها لعب وصدقني بأي دولة حتى بأوروبا اللي بيحكوا حكيكم بأوروبا أيام الحرب العالمية الأولى والتانية كان بيروح اعدام لأنها خيانة
منطق الحرب
9- هاتلي حرية بدون دم....بدك اسرائيل تيجي تقولك هادي اسراكم يا حلوين وهي أراضيكم ولا تآخذونا استروا ما شفتوا منا هههههههههه وين المنطق هههههههههه
10- أيام ما كان عم يقاوم حزب الله بالأول الكل خرسان وحاطط لسانه بتمه... شو اختلف يعني؟ أنه بدا الأسر؟؟؟ شو هالمنطق الإسرائيلي أنكم تدمر بلد مشان كلبين...دافعولي عن منطق اسرائيل لشوف هههههه
بتمنى تجاوبني...عندي شي 3 نقاط كمان بس تعبت أصابيعي
بقدر حط عواطفي هلأ بالنص؟ معليش لأن المنطق ما بيخلي عواطفي تكون إلا مع هيك أبطال
الله ينصرك يا نصر الله يا تاج راسنا