أخوية - عرض مشاركة واحدة

الحاج متولي · 02/12/2006

اقتباس:

كاتب النص الأصلي : الهوى سلطان

والله اظرف شغلة صار معي بيوم كان الجو شتا وبارد

الولدة الله يحفظها حكتلي روح جيب حليب حكيتلها هلا حليب بعز الشتا
المهم ركبت راسها الا بدها تساوي رز بحليب
حكيت امري لله لبست بنطلون جينز كلاسيك شد شوي على الجسم ولبست جاكيتي
وطلعت وصرت اركض بدي اهرب من الشتا
انا بطبعي بحب حط ايدي بجيب البنطلون وانا وعم بركض ما بعرف انو في تحت المي الي على الرصيف حجر
رحت ولا انا متفركش فيه ما لحقت طول ايدي من جيبي مشان القى حالي وعينك ما تشوف الا النور
وقعت كلي على طولي
طبعا الناس الي شافو المنظر فقعوو من الضحك بصراحة انا صرت اضحك معهم على حالي
تخيل الموقف انت

شر البلية ما يضحك

ال حليب ال

عمرو ما حدا اكل رز بحليب

والله نهفة حلوة

تعيش وتاكل غيرها

اقتباس:

كاتب النص الأصلي : جمانة شهاب

و الله شو بدي احكي.. تقريبا الموقف متل تبع الاخ الهوى سلطان
بس يا استاذ هاد انا لما كنت بالصف الاول ثانوي.. كان ممقابل مدرستنا مدرسة للأولاد.. ثانوية كمان..

يعني الحكومة ما لقت تبنيها غير مقابل مدرستنا

اي و لما كنت امشي بطريق الرجعة للبيت و اكيد الطريق مليان شباب .. و شوي و توقع جوجو قدام هالعالم كلها

صار الكل يضحك عليي. و كمان واحد حضرتو بيقلي اطلعي قدامك و انتي عم تمشي

و اختي كانت معي بدل ما تساندني بهالموقف و تساعدني لحتى قوم

قامت تضحك عليي

.. قمت انا عملت حالي عم اضحك.. بس لما وصلت على البيت فشيت خلقي فيها

والله عملتي عين العقل .....بتستاهل

اقتباس:

كاتب النص الأصلي : بنوتة حلب

هالسنة لما رحت على لبنان قبل الحرب بكم بي يومين

هههههههه الله نجاني
الي المهم
كنت بالشمال من لبنان
فا رحنا من الشمال على طرابلس
اخدنا سيرفس انا ورفيقتي وماما ووحدة اوكرانيه ( رفيقه اخوها لا رفيقتي )
المهم انا مو مبين على عربية ورفيقتي عم تحكي مع الاكرانية بلغاري على روسي
المهم بالسيرفيس عم نحكي اجنبي
ولا بيطلعلك لا شباب لما شافونا متل انبسطو انو حلوة السفرة ههههههه
المهم نحن عم نحكي احنبي هنن امنو ما منفهم عربي
ههههههههه بلشو يحكولك حكي ياسلام شي بالشرق وشي بالغرب
ونحن نضحك والاوكرانية مو عرفانة شو صاير لانو ما عم تفهم بلغاري
وضلو يحكي هيييك شي نص ساعه
بعدين نطت رفيقتي اللبنانيه قالتلو لا الشوفير معلم امتى بدنا نوصل
قمت انا قلت كمان ملينا من الطريق كانو طول ههههههههههههههه
والشباب ياحراممممممم شو صار بوجوهون
قالولو لا الشوفير عندك معلم الله يوفقك
نزلنا هون
هههههههههههههههههه

بس عنجد كان بدها الواحد يصورا

بتعرفي أنا كمان صاريت معي هيك شغلة بس مرة كنت قاعد أنا وواحد من كندا وزوجتو في القهوة يلي جنب قلعة حلب........وكانت زوجتو لهادا الكندي من الهند ....وسبحان الخالق كيف ملتمين على بعض مابعرف.....المهم ونحنى قاعدين وكنا عم نحكي (طبعاً عم نحكي إنكليزي )كان في ورانا شلة بنات عم يشربواأركيلة ...وكانوا طول ماهنن قاعدين نازلين حكي (على يخرب بيتها على هالحظ شوفوا كيف هية سودة زرقة ومعاها تنين شباب بيض شقر ....والتانية تقول يعطي الإنجاص يلي بلا دراص....وكلام الله يخرب بيتهن منين جايبينو ...لك والله من الحكي الكبير والغميق

.......المهم تموا عم يحكوا ويسمعونا أكتر من نص ساعة .

..وأنا كنت رح موت من الضحك

لدرجة ما قدرت أمسك حالي فيها ...فاإستأذنت من الضيوف وقمت ودرت حالي لعند البنات وعديت من جنبهن وطبعاً قالولي (hello) رحت مطلع فيهن وقلتلهن ..

..مو حرام عليكن نازلين في المرة كسح ..

.الله لا يعطيكن العافية منيح ما كان الشب يلي معي بيحكي عربي ..

..بس ولا يهمكن أنا كنت عم بترجم كلشي حكيتوا.

...طبعاً كنت عم إمزح معهن....

...ويالطيف على أشكالهن كيف صاريت ياحرام .

..بتموت من الضحك..

..وبعد ما دخلت على الحمام ورجعت كانوا الصبايا رايحين...ومو مبين منهن أثر
بس إما شو نهفة و الله قعدت أحكي فيها سنة
إسم الله هديك الإيام