اقتباس:
كاتب النص الأصلي : leeena
يعني بكل بلد في عصابات وناس مجرمين
بس يا ترى هالشبيحة الي بتحكي عنهم سوو شي مس بأمن المواطنين
الحمد لله نحن من اكتر البلدان الي بتحافظ على امنها واستقرارها
وهي اول واهم ميزة بتتميز فيها سوريا
بشهادة المجتمع الدولي كلو
فياريت ما حدا يحكي بشي مو عارفو |
يا بنتي بهالآخر كم سنة نزلوا النور و الحنشل عالمدن و صاروا يوسخوا فيا ليشبعوا (هادا طبعا غير الرؤوس الماسكين البلد) صرت أنا أمشي بالشارع و على أعصابي لما كنت بسوريا ... ايه على أعصابي ... طبعا حوادث السرقة و الاعتداء شغالة منيح هالفترة ... و الله ما عم أحكي من عندي ... شو بدك أكتر من أنو 3 حوادث سرقة صاروا بالحارة يللي عايشة فيا بظرف شهر واحد بس (أنا بعمري ما كنت أتصور يصير هيك بسوريا بس هاد يللي صار ) هي عم أحكي عن حارة وحدة شلون لكن الحارات التاني ؟ طبعا ليش هادا صاير يا حزرك ؟ في كتير أسباب أولا أنو الشعب جوعان تانيا ابن الريف نزل عالمدينة و ترك ضيعتو و صار بالمدينة .. و هادا وضع أنا ما بأيدو لأنو كمان بلدنا ضعفت من ناحية الزراعة لأنو قلوا المزارعين ...من شي 10 سنين كنت لما أمشي بالبلد أمان و كانوا كل العالم وجوهن مألوفة و ولاد بلد بس هلأ الوضع صار بالأرض مع أحترامي لأهل الريف
بعتقد بعدت عن الموضوع بس بتمنى تكون فكرتي وصلت ....
