[المحارب العتيق]

لأ معلم غلطان.. الإسلام مو شريعة الدولة انما مصدر تشريع, في فرق كبير جداً... الشريعة الإسلامية مش داخلة إلا في قانون الأحوال الشخصية كون كل قوانين الدولة المتبقية هي قوانين وضعية...

أنا قصدت أنها شريعة غالبية سكان الدولة . وسقطت مني سهوا

و بعدين قصة الأغلبية هاي شو مشانا؟ يعني مين قرر انو الأغلبية لأنو مسلمين بدهون تشريع حدا قرر انو اسلامي؟ شو ناقصنا كمان؟ يعملو عنا مطاوعة متل تبعيت السعودية؟؟ يعني أنا لآنو عائلتي مسلمة محسوب سلفاً انو بدي الشريعة الإسلامية تحكمني؟ لأ و ألف لأ..

القانون بعتقد لحظ خصوصية كل الديانات والطوائف . وكلمات متل مطاوعة وطالبان وغيرها . لاتمت للقانون بصلة . وهي مالها اي تفسير . الا انها هجوم غريب وكلمات كبيرة . الغرض منها الأثارة فقط

أغلب مواد هالمشروع هي تدخل سافر و وقح بحياة المواطنين, لك عمي شو دخلك انو اذا أنا مسلم يمارس الدين أو لأ؟ طيب ملحد الك عندي شي؟ في شي قانون بالدولة يمنعني من الإلحاد؟ لأ, معناتا مين القاضي الشرعي ليمنع زواجي؟ هون في تمييز على أساس المعتقد ظالم جداً...

يعملو متل كل دول العالم قانون مدني وضعي للأحوال الشخصية بيكون هو المنظّم من قبل الدولة للزواج و الطلاق و كل هذه الأمور على أساس مدني, لمن يرغب, و اللي بدو بعدين يتزوّج اسلامياً و مسيحياً أو شو ما بدو.. بس قصة انو ع كيف القاضي الشرعي يزوجني أو لأ لأنو ممكن يعتبرني "مرتد" فهاي أبداً مش منطقية في دول تسعى أن تكون عصرية..

كل دولة بدول العالم الها خصوصيتها . فرنسا مثلا تمنع تعدد الزوجات . رغم أنها مضرب مثل للعلمانية . وحجتهم أنها تنافي قيم الدولة . ومع ذلك المسلمين ممكن يلاقوها تدخل من الكفرة والزنادقة بعقائدهم ( على نفس المبدأ يلي المنابر العلمانية السورية عم تناقش فيه المشروع) . الا أنها ملتزمة بتطبيقو

التناقض الكبير التاني هو بخصوص المرأة, ما زال هالقانون يعتبر انو المرأة حتى لو بالغة و عاقلة عليها ولي ممكن يكون أبوها أو جدها أو أخوها, ولي ذكر يعني, و هاد تناقض رهيب جداً!! يعني امرأة بسوريا ممكن توصل لعمادة جامعة, أو وزيرة, أو أي منصب تاني, و يكون تحت صلاحيتها آلاف أو عشرات الآلاف من الموظفين, لكنها بحسب هالقانون عاجزة عن تقرير الكفاءة...


ممكن تكون امرأة دكتورة أو مهندسة أو مدرّسة جامعية, لكن بيظل في امكانية انو أخوها اللي يجوز أصغر منها و أجهل منها و كل هالحكي... يكون ولي عليها بس لأنو ذكر؟؟؟ هاد اسمو تخلّف من الطراز المقزز...

أنا معك بهي النقطة . وبعتقد أنو القانون يجب أن يوضح هذه النقطة أكثر

بعدين الأكثرية لا تعني أوليغاركية, في فرق كبير, كون غالبية سكان سوريا مسلمين لا يعني هالشي انو "صيغة تعتبر شرعية اسلامية" لازم تكون ماشية, و مش بس مشان الأقليات, كمان لازم الواحد يحسب حساب انو في مسلمين ما بدهون هيك, انو شبعرفني

مابعتقد انو تغييب ارادة الأاكثرية فكرة صائبة . بتتخيل أنو بألمانيا مثلا ممكن يمشي هيك قانون طبعا لأ . لأنو الغالبية رح تكون ضدو . والقانون بعتقد بيضل أرحم من ماحملته بعض النظم التي تعتبر متطورة . متل يلي صار بمحجبات فرنسا . لأنو الحجاب مو مجرد رمز . أو حصل لمحجبات تركيا من أنتقاص لحقوقهم