[sheldi]

كاتب النص الأصلي : marochka

المشكلة أنو نحنا عم نطالب بعدم تدخل الدول الأخرى فينا، بس عم نحارب هالشي بنفس طريقتون، عم نحاول نتدخل بدولة أخرى ونحرض على قلب نظام الحكم فيها.
الإيرانيين انقلبو على الشاه بإرادتهم، وهني قادرين ينقلبو على النظام الحالي إذا أرادو، أما ينقلبو لأنو أميركا وأسرائيل ما عاد يناسبا يبقى هاد النظام، ولأنو حضّرو الشخص اللي بدهن ياه يجي للحكم، فهاد صار أكتر من تدخل.
الحقد لا يوصل إلى نتيجة، أوروبا تحررت من آثار الحرب لما تركو الأحقاد وبنو علاقات معتمدة على المصلحة المشتركة لدولهم، وإلا كنا لقينا فرنسا وألمانيا عم يعملو مؤامرات ضد بعض لهلأ.
يمكن يكون النظام الإيراني إلو مساوئ كتير، بس أكيد في إلو نواحي إيجابية.
بس السؤال اللي ما عم أعرف جوابه، ليش بس الدول اللي بتبلش تدخل بالتطور العلمي فجأة بتصير مارقة وبيضربوها؟ يعني الشي المشترك بين العراق وإيران هو دخولون بمجال الأبحاث العلمية والتصنيع الحربي، ولذلك انضرب العراق، وإيران لأنو ما قادرين يضربوها عم يجربو يعملولا مشاكل داخلية.
بينما الدول اللي فيها بلاوي أصعب من إيران ما حدا بيجيب سيرتها، لأنها فقط مستوردة للأسلحة الأميركية، وما في منها خوف على اسرائيل.