[jouliana]

كاتب النص الأصلي : dandon

أول الشي جولينا عنجد موضوعك كتير حلو
بس أنا بصراحة مقتنعة أنو مافي شب بيتمادا مع بنت إذا هية مو عاطيتو مجال..يعني الحكي الطالع النازل و الهمس و اللمس و الضحك والقصص..اي بيعيف حالو الزلمة..و متل ما كل هالناس بتعرف..يعني الواحد بيفرض احترامو على الناس..متل ما انتي بتتعاملي معو هوة بيتعامل معك
وكل بنت لازم تعرف أنو ماااافي شب بيحب بنت من قلبو و بدو ياها بالحلال بينام معا..هي مستحيلة..بما أنو هي بس تمادت معو لنقول بوسة بس..خسرتو على طول..لأنو مستحيل يثق فيا..يعني يجي هلق اي شب بالمنتدى يتخيل أنو والله هوة دخل على مرتو قبل ما تكون مرتو بالحلال..أي لو بدا تبلع المصحف مابقا يثق فيا
وتاني شي أنو هالقصص صارت عم تصير كمان لسببين..التفكير عم بيصير انو إذا عملنا هيك أنا و أنت أهلنا بيجوزونا فورا..و بتنسى أنو الزلمة ليش انرفض من أهلا أو ليش هية انرفضت من أهلو...أو البنت صايرة عم تفكر بأنو ماعم يجني عرسان بحاول وقع أي واحد..وكتير بلبلاد العربية هي عم تصير بكترة نظرا أنو الزواج قليل صاير

انا معاكي الشب ما بتمادا الا اذا البنت معطيته مجال هادا الكلام صحيح
حتى لو هو حاول و هي ما بدها ما فيه يغصبها او يجبرهاا
بس كتير ايام البنت بتنخدع بكم كلمة حلوة
لانه كتير بنات ما بكونو فاهمين الدنيا او ما خدينها متل ما اجت تيجي
و على اول مطب بوقعو و متل ما قلتلك بكم كلمه ما بتلاقي حالها غير بحضنو

وهي بتكون بجد بتحبه و بتخدع فيه و هو بكون بتسلى ليرميها و يصير دور الي وراهاا