اقتباس:
كاتب النص الأصلي : كنان2006
مسا الخير
هاني داغر اهلا وسهلا فيك معنا حتنور الليلة
|
مسا النور يا هلا
الحلقة منورة بوجودك
اقتباس:
كاتب النص الأصلي : كنان2006
قللي هاني
بتتقبل انك تضحي بوحدة من حواسك ؟
كيف تتخيل الحياة بس من دون حاسة السمع
قادرين نعيش لو ضحينا بوحدة من الحواس
|
اذا ضحي تضحية بمعنى انو استغني عنا لشخص محتاجا طبعا بقبل ضحي بغير حاستي النظر والسمع
كيف بتخيل الحياة بدون حاسة السمع بعتقد ما بقدر عيش بدون حاسة السمع بمجرد اني فقدت حاسة السمع فقدت اي اتصال بالعالم الخارجي وبالتالي فقدت حياة الجماعة وبقيت بحياة فردية منعزلة وهاي اصعب شي عليي فما بتخيل حالي عايش بدون حاسة السمع
قادر عيش لو ضحيت باي حاسة غير السمع والنظر
اقتباس:
كاتب النص الأصلي : كنان2006
5 صور من العالم
|
رح اعطيك عن كل صورة شو حسيت اول ما شفتها وبعدين الك شو بتعنيلي
اقتباس:
كاتب النص الأصلي : كنان2006
|
هالصورة بتزكرني بأمي
لهلأ وانا عمري عشرين سنة كل ما بحس حالي متدايق ببكي بين ايديها
انتي عطيتني صورة عن اروع شي بالدنيا واللي هوي الام وبهالصورة هاي بتبينك من نظرات الام على ابنها قديش الام عظيمة قديش الام حنونة قديش الام قادرة على العطاء
بلمح بهالصورة حنان وعطف وحب
اقتباس:
كاتب النص الأصلي : كنان2006
|
الحقيقة اول ما شفت الصورة انو فيك تقول انخضيت وكنت مقرر انو ما علق عليها حرصا على بعض المشاعر الحساسة الكتيرة باخوية بس بعدين غيرت رايي وقررت علق بس حابب وضح شغلة انو تعليقي لا يحمل اي مظاهر سخرية او محاولة للتقليل من قيمة القرآن الكريم عند الديانة الاسلامية انما هيي وجهة نظري عن كتاب سماوي متل القرآن ونفس التعليق كان رح يكون لو كانت صورة الانجيل المقدس
رح علق عالصورة من وجهة نظر واحد قرا الكتاب بدون ما يعرف انو كتاب ديني
القرآن الكريم يحوي على عبارات وحكم بتساعدنا على تنظيم حياتنا في كتير اشيا بتعجبني بالقرآن في كتير اشيا بحاول طبقها بحياتي منو وطبعا بنفس الوقت في كتير اشيا ما بتعجبني في مو لانها بتعاكس الديانة المسيحية لاء بالعكس بجوز هالاشيا اللي ما بتعجبني بحس انها ما بتوافق طريقة التفكير اللي بفكر فيها واللي عايش عليها لهيك ما كتير بحب طبقها بحياتي
برجع بقول نفس الحكي رح قولو بالنسبة للانجيل وبالنسبة للتوراة
مع الاحترام للجميع
اول فكرة خطرت على بالي بمجرد شفت هالصورة هيي التسامح الديني ليش ما بعرف
اقتباس:
كاتب النص الأصلي : كنان2006
|
اول ما شفت هالصورة غص قلبي وحسيت بسوداوية بس بعدين وقت اللي رجعت طلعت عليها وشفت هالة النور اللي فيها زكرتني بانو الواحد ما ييأس انو حتى لو كان الصورة اللي بعيونك عتمة ومأساوية الا وما تلمح فيها هالة نور او ليش بالضرورة هالة قد تكون بصيص نور بتقلك انو الحياة اسا فيها امل وانو اسعتك عايشها
قد ما تكون ظروفك صعبة الا وما يجي يوم وتصير ايامك حلوة
هالصورة بتزكرني بالامل والتفاؤل
اقتباس:
كاتب النص الأصلي : كنان2006
|
هالصورة حسستني برومانسية رجعتني لايام رومنسية حزينة (غالبا انا اللون الاحمر متل هاد بيحسسني بالرومانس الحزين) يعني لون القمر احمر وزهري وابيض بيخليني امسك ورقة وقلم واكتب
كمثال بسيط هادا طلع معي من النظر عالصورة :
بعد و جفا، هجر وفراق
عالبعد نزلت دموع العين
جبينك قمر دموعك دم
بدر وشفق ومجرحة الخدين
الصورة بالنسبة الي تزكير بالرومانس الحزين
اقتباس:
كاتب النص الأصلي : كنان2006
|
رغم كل التعقيد اللي بهالصورة فهي بنفس الوقت بسيطة
عدة خطوط ملونة جمعها بطريقة منسقة ساوى منها شي حلو وشي بسيط وهوي الفراشة
بتزكرني بهالصورة بانو بالحياة قد ما يكون في امور معقدة وقد ما تكون الامور صعبة بشوية تنظيم وشوية ترتيب منقدر نطلع من هالتعقيد تبع الحياة ونساوي شيء جميل بسيط