يلا جوجو استلم
رأيك بهالاعضاء التاليين ..
وبصــــراحة تـــامة ..
وبدون مجاملات
Gazita قلبا طيب ومحبة كتير. بس بحسها ما بتستخدم عقلا كتير.
Reemi لحد فترة قريبة, كنت بدي قول مافي منها. بس هلق غيرت رأيي.
marioma alghzayala بتجنن مريوم, اطيب واروع قلب. بتجبرك تعملا من اهل البيت (يعني بيتك انت مو اهل البيت ما غيرون
) هيك بتدخل عالقلب دغري. ودغري بتصير من العيلة
hanny dagher هاد من جهة حشاش ومن جهة عبقري, ومن جهة عصبي, من جهة رومنسي كتير كتير. بطير العقل. اخي التوأم باخوية.
Willi مافي كلام بيوصفو, بطير العقل. مشكلتو الوحيدة, انو احيانا ما بيعرف شو بدو.
layla ام اللول كمان من الناس اللي بدخلو عالقلب دغري. بس الي عتب عليها, او ما عم نشوفا.
sezar فكرتو غالية كتير عليه, اذا عارضتو فيها يا ويلك. بس هو التاني قلبو طيب وادمي.
sweetbaby ام الرور كمان قلبا طيب. ومحبة كتير, وهيك يعني بتدخل عالقلب دغري, بس هية التانية مو دايما بتعرف شو بدا.
الحاج متولي ما بعرفو
maged-syrian ما بعرفو كتير.
butterfly الي زمان مو محكاها,كان الي عليها مأخذ. بس شايفها صايرة قادمية. بس عم تخوفني احيانا.
وشم الجمال والله ضيعتني هالمخلوفة. ما بعرف اذا بعرفا ولا لاء
Syrian__Angel لعاي درجة اولى. بس تبلش تحكي ما بتعود بتسكت. وبتكرج كرج بالحكي. وبسرعة. ويا ويلاه. ههههه مافي منا دمدوم بس متزاول منها هالفترة
أبو شريك, ما بعرفو
Hashtnasht كنت حبو لانو كريم كان يحبو
. بس ما بعرفو كتير.
ASHاول فترة دخل فيها عالموقع, جبلي الجلطة. بعدين شكلو هدي. او انو ما عاد دخل بنقاشات. بس بحسو ما بيسمع شو التاني بقلو!!!
ٍٍٍSyrian Gay ما بعرفو بيعجبني فيه انو فرض حالو عالناس.
Fares كمان ما بعرفو.
Geeny انزعجت منها كتير بعد ما عملت شغلة معي مرة بالزمانات. مو دايما فهما.
yass رغم انو ما حكينا كتير. بس بقول اللي ما بيعرفو لياس, يتعرف عليه. بيدخل عالقلب دغري هالشب. من الناس المثقفين واللي بتعجبني ارائون بأخوية. كل ما بكون حاطت ببالي رد, بقرا ردو. بلاقي انو ردي ما الو طعمة حطو بعد ردو.
كهربجي مافي منو احيانا بيتسرع بس بشكل عام. من افضل المشرفين اللي مرو على اخوية. بيعجبني فيه انو ما عندو خيار وفقوس.
راديا ما بعرفا. بس بحسا كل نص ساعة بعقل!!
SABE كمان مو زيادة بعرفو. يعني مو حاكي معو هيك مني الو لحالنا, ولا مرة. بس بكفي انو مو حومص العدية, لحبو
HUS ما بحب حدا يخالفو و بيقدر يكون استفزازي جدا اذا صار وخالفتو. بس بشكل عام من الناس اللي بحب اتعرف عليه عن قرب, واعرف اكتر بشو بفكر. وشو هو رأيو بالشغلة. بحسو عرفان تمام تمام شو بدو. وعم يمشي على طريق مخططلو مزبوط. بقلو الله يرجلعنا ياك بالسلامة
Barleb انو هالزلمة احيانا بستغرب انو عمرو 18. (لما بكون حاطت عقلو براسو). بس هيك لسانو بسبع شطرات. الله لا يعلق حدا بلسانو.
. كنا سوا هيك نعمل حملات ضد السعوديين. شغلة والله. ضيعان هديك الايام
باشق مجروح كمان ما زيادة بعرفو. بس ارائو بتعجبني. بحسو فهمان كتير
the light هاد شي تاني خالص خالص, هالشب هو الحكيم وشخص تالت من الناس اللي كتير بحترم رأيا وبحب اعرف شو رأيون. بتمنى انو تصرلي فرصة اتعرف عليه بعيد عن الانترنت. هيك يعني بشكل شخصي.
سرسورة ام السوس. اذا بحطو تصويت عن المشرفة الاكتر تخويفا. بصوتلا
. حبابة ومهضومة ومافي منا. بس هيك لو تخف ايدا شوي بالسقيفة. هية من اسما سقيفة.
محمد ابراهيم يعدمني ياه. احيانا ما بفهم عليه. بس شب هيك ادمي وحباب, وقلبو طيب. وغيور جدا. كل ما بحكيلو على صبية تعرفت عليها بصير بدو صورتا. بس انا بحرقصو وما بعطيه شي
.
GOVERMENT حلبي جدبة. اهلاوية سطلة. هالشب فلتة من فلتات اخوية
. كتير بحب اقرا ردودو. مقفلاتي درجة ممتازة. مشكلتو انو شاوي. اكتر الشي بيعجبني فيه. شلون قلب 180 درجة من اول ما فات. وحتى قبل
صياد الطيور.... غلط بحقي كتير. وكتير كتير. ماني رح قول اكتر من هيك.
اسير التشرد انا شخصيا بحبو لهلزلمة, رغم انو ما رح يعجب حكيي كتير عالم. بس هالشب كتير فهمان. وبحب ارائو. بدي اطلب منو بس انو يرجع رايق متل اول. ويخلينا نشوفو على طول
phoenixbirdبحسو نشيط كتير. رغم انو مو دايما بتفق معو, بس بشكل عام الشب رايق وفهمان.
the morrning يعدمني ياها يعدمني ياها يعدمني ياها. والله ياخدا ويريحني منا.
لا جد, هية وصبية تانية من اكتر الناس قريبين على قلبي. كتير بحبا لام الشوش. عندا طيبة قلب بحياتي ما شفت متلا. كتير فهمانة هالمخلوقة, وبتتحمل تقفيل بشكل مو طبيعي. كانت رح تجبلي الجلطة اول ما تعرفت عليها, بس هاي من المرات اللي ما بتندم على اني كنت صبور. مشكلتها انها غليظة كتيــــــــــــــر.
COSTA ما بعرف شو بدي قول. انا لهلق ماني مصدق انو هو كتب كام رد بالمنبر بالفترة الاخيرة. بتمنى انو ما يكون صاير معي, وبتمنى انو ما يكون اللي ببالي صحيح. ما بدي احكم عليه بشي. بس بتمنى يرجع كوستا اللي منعرفو.
handsome ما حاكي معو برات اخوية. بس احلا شب والله. كتير بتعجبني ارائو, وكتير بحب اقرا ردودو. من الاعضاء الفهمانين كتير باخوية. بحس انو منستحق شوية اكتر من وقتو. بتمنى انو يصير يدخل بكترا. كتير عندي رغبة اتعرف عليه اكتر
abosleman انا لهلق متفاجئ انو كل اللي بعرفهون وبيعرفوه وانا ما بعرفو
لا جد. مرة باحد المواضيع كان الكل عم يحكي معو وكأنو بيعرفو, وانا كانت اول مرة بشوف اسمو
. ما بعرف عنو شي. قريانلو شي ردين او تلاتة بس ما اكتر.
LiOnHeArT (سابقا) طيب وحاليا؟؟ ما بعرف مينو
betty_palestine ما بعرفا
yamen_h من الناس اللي كانو غاليين على قلبي. بس فعلا ما بستاهل.
BL@CK عادتا بس تتعرف على شخص, بتصير لما تقرا موضوع بتقدر تقدر شو ممكن يرد, الا بلاك. ما بتقدر, مستحيل تعرف شو رأيو بالشغلة اذا هو ما رد وكتب رأيو, بتفق معو بكتير شغلات, وبنفس الوقت بختلف معو بكتير شغلات.
MadMax ارتبط اسمو بالسمايلي الاخضر. للتقفيل ايد بايد هو التاني. كتير بتضحكي ردودو. وكتير بتفق معو بأرائو
وائل76 ولا مرة حكينا. ما زيادة بعرفو
مسطول ع طول هاد مقفلاتي درجة ممتازة. يعني من النخبة بالتقفيل. ما زيادة بعرفو. بس بعرف انو مقفلاتي
شامي من طوكيو بتفق معو بخصوص النظام. اكتر من هيك ما بعرف شو ارائو بغير شغلات. ما حاكي معو ولا مرة
أمرأة من ورق بحبا كتير و بحترما, بتعجبني ثقافتا. بتذكر يمكن اول نقاش دخلت فيه باخوية, كان معي بموضوع انا كاتبو. كنت عم حاول خالفا بالرأي (رغم انو رأيي كان متلا) بس افحمتي ما عاد عرفت شو بدي احكي
Roaa ام الرور الغالية. بتجنن. اول مرة قريت اسما (دلوعة سوريا) كنت مفكرا مسطولة
ما كان موفقة بأختيار الاسم تبعا, بس اثبتت العكس. كتير فهمانة, وفنانة كمان. كتير بنبسط لما بحكي معا. وصوتا بيدوخ كمان
كتير بحبا لام الرور وهية الشخص التاني اللي حكيت عنو بالسابق. مشكلتا الوحيدة انا حلبية, بس ان قبلان فيها رغم هالمصيبة
.
مايا* ما صار وتعرفت عليها. لاكن هية كمان من الصبايا الكتير مثقفين. كتير بيعجبوني ارائا
ليندا انسة العربي اللي ما بتعرف عربي
كمان من الصبايا الكتير مثقفين. وكتير بحب اسمع ارائون. بس هيك يا خيو شو بدي قلك, اي والله ما عم تدخل بمخي انو انا صحبة مع انسة عربي. والله لسى ما صارت. انو انا, انا ما غيري صحبة مع انسة عربي. بتطير العقل ليندا. يا ريتا كانت انستي العربي بسوريا
fofo besset syria ولا مرة حاكي معا
Abu Guzef يعدمني ياه, محب كتير. وقلبو طيب. وانا شخصيا بحبو كتير. واحلا ابو جوزيف. وخمسمية محروقة لعيونك. ودقلي بالليل لسبلك
الموسيقار, همممم, مو صحبة انا وياه كتير بخصوص السياسة. بغير شغلات ما بعرف, ما صار حديث بيناتنا.
فاوست روح والقلب داعيلك, لا ترد على حدا. فلتسقط الديكتاتورية العنصرية, الامبريالية. تسقط تسقط تسقط. ولا ترد على حدا لما بقلولك انو, مو هاي الطريقة الصحيحة للمعارضة. لانو كيف ما عارضت, كيف ما حكيت, وقد ما كنت هادي, ورايق. فانت رح تكون بنظرون "خائن" وما بتعرف بـ "مصلحة" الوطن.
ظل جيفارا ما بعرفو كتير. وما دايما بفهم عليه.
ملاك السعودية زودتها, والاعضاء كمان زودوها معا
محمد السعودي ما بعرفو
التقرير الجوال بتفاجئ انو شخص عايش باميركا عندو هيك تفكير. رغم انو بقول رأيو برواق بس جدا بحسو منغلق. وما بيعرف شو عم يصير حواليه. بحس انو لازم بشكل جدي يطلع ويشوف العالم بعيد عن العرب. ويتقبل شوي التاني. ورح يشوف العالم من منظور تاني مختلف تماما.
secular سابقا الله يسعدو ويبعدو. منحكي على الاسلاميين المتعصبين. هاد مسيحي متعصب.
Nirvanaكمان بتحرم رأيا كتير. وغالبا بوافق معها باللي بتقولو. بس انو حرام عليها هيك عم تلوع قلبنا. بتطل شوي. وبعدين بتهرب
Marwa قلبا طيب كتير وحبابة. بس انا بشوف انها مظلومة لانا عايشة بالمجتمع المتشدد دينيا اللي عايشة فيه.
يمانلك ...... ابو علي (هو لحالو بيعرف يعبي محل النقط
) لك احلا ابو اليمن, بتذكر اول موضوع حكينا فيه. شوي هيك كنا رح نتباكس (ما تباكسنا, بس على شوي) بعدين طرقناها صحبة عالمظبوط. بجنن هالزلمة. من الناس اللي كتير بتمنى اني قابلون عن حقيقا. احلا يمان والله. بس لو ما كنت شامي.
was616imبكفي انو حمصي لحبو. بتفق معو بكتير من ارائو. بس بشكل عام ما زيادة بعرفو.
وطفولة ما بعرفا كتير, بس بتفق معا بكتير اراء. رايقة وهادية, ومزوقة
وماتيا