[بنوتة حلب]

كاتب النص الأصلي : Danito

الاغتصاب جريمة
تحميل الضحية جزأ من الذنب هو جريمة أيضا
اللباس لا يبرر انتهاك حرمة الإنسانة و انتهاك إنسانيتها و الاغتصاب لمن لا يعرف يترك ندبة نفسية عميقة يصعب شفائها و حتى عند شفائها لا تزول بالمرة
و اللباس ما بيبرر الجريمة و من باب التوضيح، بعض المحجبات أو المنقبات بيتعرضوا لحوادث مضايقة و سب و تحرش من عنصريين ببعض المجتمعات الغربية بسبب الأوضاع الحالية فهل يبرر كون البنت لباسها يشير إلى معتقدها اعتداء العنصريين عليها؟ هل نحمل الفتاة مسؤولية الاعتداء عليها بسبب طريقة لباسها؟
الادعاء بأن الفضائيات أو المجلات أو عادات اللبس هي دافع او سبب ما هو إلا إدعاء سياسي (ترويج لقناعات معينة) ما ألو أي أرضية واقعية) و هوي بالأساس مدفوع من العقلية الذكورية للمجتمع و اللي بيعتبر الأنثى مخطئة بحكم جنسها فهي كائن دوني تابع للرجل و من ضمن ممتلكاته الخاصة و لذلك الاعتداء عليها ينظر إليه كفعل يجب إخفاءه و وصمة عار (أنو الشب علمو عليه ) بدل ما ينظر إلها كضحية لإنسان مجرم و مريض

هلق اللي بدي ضيفه حتى لما بنت بتثق بشخص بتحبو و انطلاقا من حبها الصادق و بيستغل هالشي ليغتصبها كمان هي جريمة اغتصاب ما بتتحمل الفتاة ذنب فيها كونها مارست إنسانيتها (الحب) ووقعت ضحية (حطولي ألف خط تحت كلمة ضحية) هالإنسان الواطي
ملاحظة خارج هامش الموضوع : هناك حالات اغتصاب الزوج لزوجته عندما يجبرها على ممارسة الجنس و بالعنف

لذلك و بناء على كل ما ذكر أعلاه أكيد هاد الموضوع (الاغتصاب) رح بيكون جانبي و غير ذي أهمية من ناحية القبول بالعكس أكيد هادا الشي بيعني أنو البنت لازمها مراعاة و ربما معالجة نفسية للجرح اللي تركه الاعتداء عليها، يعني أنا ما بمانع بالعكس ربما يكون سبب في تعميق الحب و الرابطة بيناتنا

و بالنسبة لموضوع العذرية بشكل عام هو ما ألو علاقة بالأخلاق ولا بالدين بمجتمعنا هو ألو علاقة بالعقلية الذكورية التملكية، لأنو العذرية إذا بدنا نحكي عليه من ناحية اخلاقية و دينية فالاتنين ما بيقرقوا بين الذكور و الإناث عند ارتكاب الخطيئة .. يعني بما أنو البنات بيقولو ما عندهم مانع يرتبطو بشب ما ألو ماضي (على فرض إعلان توبته) و بيرفضو مسامحة قريناتهم (البنات) اللي ألهم "ماضي"، من جهة تانية الشباب أكدو أنو الارتباط بعذراء هو موضوع "رجولة" يعني كل هالشي بيأكد أنو القضية قضية مجتمع ذكوري و ليس مجتمع اخلاقي متدين .. بس من باب التنويه

لك يسلم هالتم والله على راسي
احلى كلام انقال ومن زوايا مختلفة
كلامك كتير حلو و منطقي جدااااا