اقتباس:
|
لصعوبة قواعدها وما تتطلبه من تيسنة
|
بتجنن هالجملة ....
كتير حلو الموضوع .... ذكرتني بشغلة .. بسنة من السنين -ايام ما كنت عاقلة - كنا طالعين عالفيجة .. رحنا عالكراجات قام طلع مافي ميكرو واقف وجاهز ( حاليا ) !! .. بدك تستنى شي خمس او عشر دقايق .. قلنا اي مو مشكلة .. وكان اعداد الناس اللي قاعدين عم يستنوا عالكراسي - بالاسم كراسي - كتاااااااار !!!
بس اشكالهم كلهم يا اما ( انا تعبان ومو حسنان اتحرّك ... اووو النوع التاني اللي بتلاقيها عم تتطلع فيك وتتفحصك ... اوووو التالت اللي ماسك شي حدا جنبو ومستلمو بشي سيرة ) ...
المهم بس وصل الميكرو .. شايف هال 3 انواع ؟!! يا سبحااااان الله ... بقدرة قادر .. الكل دبّت فيه الحياة !! ... لك انا كنت واقفة واقرب شي للميكرو .. بسسس عم استناه ليوقف !! .. ما لقيت الا اندفشت مدري من مين .. وصرت ورا بآخر العالم ... وطلعوا الكل وامتلى الميكرو ومشي !!! ....
و بعد ما مشي انا وقفت
... عنجد انصدمت !!! بس لاني زيكو تعلمت بسرعة ..
بس اجى اللي بعدو .. طاحشنا وركبنا .. واكلنا كم كلمة على كم زورة من بعض العالم
بس يلاّ ... -بالطقّاق - ..
عنجد الدرس اللي بتتعلمّو بسوريا هو ...... ( الحياة معركة شاملة )
~*¤ô§ô¤*~ No Pain ... No Gain ~*¤ô§ô¤*~
المقاومة مخاطبة الحكّام العرب : لعن الله أناس مثلكم ، فقد أردت لكم الحياة فأردتم لي الموت ...
نسيَ الطينُ ساعةً أنــّه طينُُ ُ حقيــرُ ُ ... فـصالَ تيهاً وعربـــَد ...