[dimozi]

اي منكفي مع النطاطة



كتب شو الكتاب اللي بتتذكرو كتير على انو بداياتك مع القراية ؟
شو الكتاب اللي دوخك لدرجة صرعت الناس فيه اول ما خلصتو ؟
كام كتاب في بمكتبتك ؟
الكتاب اللي حابب تقراه ... وما صار فرصة او وقت او ... ؟.
إذا رح تهديني كتاب شو رح يكون وشو رح تكتبلي عليه ؟
إذا جمعت كل اللي بتكتبو بشي ديوان .. شو رح تسميه وشو رح يكون الأهداء ؟


1- قريت كتير قبلو بدون نمط بالقراية, بس اول كتاب ممكن أعتبر أنو بلش يرسملي نوع الكتابة اللي بحب أقراها هو رواية المستنقع لحنا مينة, جد أكتر من رائع, وفتحلي عيوني عا شي أسمو أدب , وقتا بلشت أعرف الغث من السمين.

2- أنو ضليت استشهد فيه شي شهر زمان, لغز عشتار لفراس السواح , علمني أعبد الأنثى مرة تانية.

3- ما بعرف يعني ما عديتونو كمان مكتبتي تركتا بسوريا للأسف

4- الثابت و المتحول لأدونيس, كل مرة أجي بدي اقراه يكون يا غالي كتير يا مو متوفر بس يكون معي مصاري, ولما يكونو التنين ما يكون عندي وقت لجيبو و أصمدو شهر قدامي فبجيب غيرو يخلص بسرعة ........ غباء ما

5- بهديكي شي لأيزابيلا أليندي بركي بتغيري رأيك فيها, بالعادة بكتب شعر لما بهدي كتاب فما بعرف وقتا شو بدي قول, بحسب المناسبة يعني.

6- ما بعرف شو رح سميه , ما عم يخطر عبالي, بس رح أهديه للبنت اللي منشانا كتبت شعرأول مرة , أول ديوان بس , أي ممكن سميه إنانا .