[باشق مجروح]

بتمنى عام 2009 يحمل نصر وفرح حقيقي للمظلومين والمستضعفين بكل مكان على سطح هالارض .
بتمنى من الحاكم الجديد للبيت الابيض ينشغل بتطوير اميركا داخلياً ويتركنا بحالنا.
من كل قلبي بتمنى تطور ايجابي بمنطقتنا وسقوط للقوى المدمرة للوحدة الوطنية والقوى المتطرفة.
أمنية لبلدي سوريا انو يكون احسن . انو يكون عندنا حكومة نضيفة وبلد بعيد عن المحسوبيات والرشاوي والفساد حتى ولو تقدم بسيط بهالمجال لنقدر نبعد عن الازمات الاقتصادية ونحس بتطور اقتصادي وسياسي كما بتمنى لبلدي الأمن والامان والعزة على طول وما بنسى انو كمان بتمنى هالعام يشهد الغاء القوانين المهينة في القانون السوري متل جرائم الشرف وغيره من القوانبن واضافة قوانين اخرى جديدة متل الزواج المدني و اعطاء المرأة الجنسية لاولادها .
كمان بتمنى العام الجديد يكون فيه مساعي سلام شامل دائم بكل المنطقة او ع الاقل عالم بدون حروب و مآسي للحروب وخصوصاً في فلسطين ولبنان والعراق .
على المستوى الشخصي بتمنى العام يكون سعيد الي ولعيلتي وبتمنى يشهد تطور ايجابي بكل المجالات .
لكل الحبايب والاصدقاء كمان بتمنى كل امانيكون تتحقق .