[mblue]

هلق الموضوع بيختلف من شخص لآخر وما ممكن انه نعمم الفكرة على شخص بعينه او حالة بذاتها
بس بدي قول شغلة انه نجاح المراة هو شيء مو معيب ابدا بالعكس هو شيء جميل بس القصة بانه هي المرأة كيف بتتعامل مع نجاحها وكيف بينعكس هاد الشي على اللي حواليها سواء كان من اصدقاء او عائلة او حتى زوج ؟
هون ممكن يكون مبدأ المشكلة اذا بدك ... وفي حالة المرأة المتزوجة فهي مالازم تنسى انه هي عندها واجب اهم انه تنجح فيه واللي هو تربية عائلتها والحفاظ على تماسكها ... وهاد الشي مو بس بمجتمعاتنا العربية حتى بالمجتمعات الغربية كمان ... ممكن انه بالمجتمع الغربي في اريحية اكتر بالتعامل مع موضوع عمل الزوجة ( على اعتبار انه انتي عم تحكي عنه بشكل مباشر ) ولكن دائما رح يكون في اهمال لجانب مقابل جانب آخر ...
هلق اذا كان في تعاون وتفاهم بين الزوجين مارح تصير هي المشكلة وممكن يلاقوا طريقة للتعامل مع الوضع اللي هنن فيه بس اذا الست التقدمية بدها تحسس الرجل اللي اختارت برغبتها انه تعيش معه حياتها للنهاية انه هي اعلى منه درجو او انه هو ادنى من مستواها فهون هياللي بتكون عم تخلق هي المشاكل وهي اللي بتخلي يتصرف بطريقة ( انه انا او الشغل )
برجع بقول انه نحن هلق بعصر صار عمل المرأة بكتير اوقات ضرورة اكتر منه ملئ للفراغ ولذلك رح يكون قدامها فرص كتيرة للتميز والابداع والتقدم بالمناصب ومو غلط ابدا انه تستغلها ولكن اذا كان في مين يوقف معها ويتفهم الموضوع طول ما انه هي عم تحاول قدر الامكان القيام بوظيفتها الأساسية المتمثلة برعاية عيلتها والقيام بواجبها تجاه اولادها وزجها لانه هي هي سنة الكون