[yass]

كان ما بدي أرد... صراحة

لما تقول عن شخص (ما عم ارجعو الى المدرسة البراغماتية) عم اوصف شخص ما انو براغماتي... يعني انو مرن.. ممكن ياخد و يعطي, و لمعلومك الكلمة لاتينية و من هالكلمة أتى اسم المدرسة, و ليس العكس, ليس كل براغماتي ينتمي الى المدرسة الفلسفية, هاي كلمة تستعمل لوصف المرونة الفكرية بدون ما يكون الها علاقة بالمدرسة الفكرية, متل لما تقول عن شخص انو مادي و هالأمر لا يعني انو ينتمي الى الفلسفة المادية... الكلمة لا تعني المدرسة.... هاي أولا


صح مو غلط .. كوبا استحملت وظلت واقفة على اجريها من ورا حصار يتحمّل مسؤوليتو العملاق الامبريالي السافل... و معليه مرة تانية اقرا منيح ردودي.. كل, جل, كامل ما قلته انو الوضع سيء... فقط, و بالشعارات ما بينحل, الشعب جائع و الحريات ملتعن سماها... و بحياتي ما حكيت عن الاشتراكية كنظام دولة انما طول عمري أدافع عن الاشتراكية كجزء من نظام ديمقراطي متعدد الاحزاب, و مع كوبا ضعت فكريا لأنو فعلا تجربة تستحق الاحترام... لكن التجربة انتهت و الواقع يفرض نفسه.. لازم يعملو شي, و قبل ما ترجع تستعمل راديكاليتك مشان تأول كلامي الى انو معتبر هالشي اللي لازم يعملوه هو الارتماء الى حضن اميركا بقلك لأ.... في عندهون كتير يعملوه... و أولو انو يعيدو النظر بسياسات اقتصادية مبنية على افتراض مساعدة اقتصادية و سياسية سوفييتية مو موجودة من 20 سنة.. و نص حياتهون على بركة الله و الله يخليلهون فنزويلا اللي عم تعطيهون نفط رخيص, لحظة اللي راح ينتهي فيها شافيز راح يموتو من الجوع...


بدهون اعادة نظر... فلسفية و سياسية و اقتصادية و حتى اجتماعية.. مو منطقي انو راتب طبيب 18 دولار... مو منطقي.. و لعنة التاريخ على ثورة تصير ستاتيكية... و يمكن بس الواحد يشوف الاطفال حفيانين بسنتر الهافانا أو يشوف طوابير الانتظار لساعات طوال مشان خمس بيضات و كيلين خبز ينسى شوي الشعارات لصالح الانسانية... في شغلات أهم من شغلات


و تبعيت رب اليسار لا تعيدها مرة تانية... ما حبيتها, و اليسار اللي أنا متبنيه أكيد مو هو اللي يطعمي الناس شعارات و اللي يسجن كل من استرجى على عزة النظام و قال أنا جوعان