كنت بدي اكتب رد طويل بس ما طلع معي شي يمكن ماعندي القدرة على الكتابة او ماعاد عم اعرف اكتب
نسيت كيف الواحد بيكتب كل شي براسي عم يدور عالفاضي متل ما انا عم دور ع الفاضي
هالصباحات الرومنسية ماعاد عم تعنيلي شي انو شو ياسمين وقهوة وبحرة وفيروز كأنو الواحد عم يضحك على
حالو بصراحة ماعاد عندي وقت لهيك شغلات صرت صغير وضيق عم اكره الصبح عم اكره كل شي بيذكرني
بالشام وكل شي بيذكرني بسوريا هاد الحكي وليد اللحظة هي هيك فجأة كرهت كل شي
حاسس كل هالامور هي اكبر مني واكبر من اني افهما او هي ثابتة وانا عم اصغر بالحياة
يمكن الشغل بشد الانسان وبحولو لآلة بدون احساس وبنفس الوقت بحس حالو ماعم يشتغل شي
انو كل شي عم يعملو ع الفاضي وبالنهاية لوين بدي اوصل ... الموت هو نهاية كل شي
وكل إنسان بيسعى ليترك بصمة بالدنيا على أمل انو ينذكر بس ... انا وصلت لنتيجة انو خلص مابقى في امل
والعمر انسرق منا ... يمكن بس مني انا انسرق ...
بعد صفنة مابعرف ليش هيك كتبت بس كتبت وخلص ..
يمكن لاني عم حس هلئ اني غريب عن كل شي قبل ما اكتب هالرد كنت بحكي مع صديق طفولتي وعم خبرو اني مشتهي كون بالشام هلئ بهي اللحظة لاتصبب عالشام وبعد ما طلع فكرت انو ليش بدي كون بالشام
شو السبب اللي بشدني إلها ..ماعم لاقي جواب .. وماعم اعرف ليش هيك عم قول
يمكن كمان لاني عم حس حالي غريب ... غريب عن كل شي حتى ريحة الياسمين نسيتا
وبالنهاية بتقول فيروز لايدوم اغترابي ..... بس ماعم صدق ..
بعتذر عالرد الطويل كان لازم اكتب غير شي بس هاد اللي طلع معي
سامحونا ...
كان اسمه.. .
لا تذكروا اسمه!
خلوه في قلوبنا...
لا تدعوا الكلمة
تضيع في الهواء، كالرماد...
"We ask the Syrian government to stop banning Akhawia"
|