[الحاج متولي]

سيداتي أنساتي سادتي

وهيك بنكون عم نحكي شو صار معنا ....قبل ما نام
بعد رحلة طويلة من الصين إلى سوريا الحبيبة ومشوار أكتر من 24 ساعة بين طيران وترانزيت
..... بدأت الطائرة بالهبوط التدريجي نحو مطار دمشق الدولي نرجوا من الركاب ربط أحزمة الأمان وإغلاق كافة الأجهزة الإليكترونية حتى توقف الطائرة نهائياً

الإلتزام الكامل بالأوامر......وتشغيل الأجهزة الإليكترونية....وخاصة الموبايلات......(تقول ذكروهن بتشغيلهن)....ولسه الطيارة يا دوب لمست أرض المطار .. كانوا معظم الركاب شايلين حزام الأمان وبعد ما وقفت الطيارة ومشي الحال و الحمد الله على السلامة
كل واحد من الركاب بلش يفتح هالخزانات فوق الركاب تقول غراضوا بدهن ينتشلوا من شان يلحقهن وبدوا يطمن عليهنحمل حقائبوا الموجوده معوا على الطيارة ..غير مبالي بالركاب يلي قاعدين تحت الحافظة تاعيت الحقائب إذا وقعت حقيبة فوق شي راس راكب ...بيطلع فيوا وبقلوا:...عفواً ...و الله مو مقصودة ....( أكيد مو مقصودة ) بس شي بيطقق....ونزل من الطيارة تقول : ركيد تقول بدوا يطير ...ولاقا موظفين المطار عم يستقبلوا

بإبتسامة وكل واحد ماسك عربية بإيدوا و عم يسألوا من شان يشلوا أغراضوا ..بس من مخرج الطيارة ....لتحت عند الجوازات ....شنوا مو مسمحلوا يطلع أكتر من هيك ....و المفاجأة إنوا ما بيقلك لوقت ما يخلص مهمتوا ...ويمد إيدوا ..بدوا المعلوم.....و إذا قلتلوا ما بدي عربية ...بيطلع فيك وبيشيلك وبيحطك بعيونوا تقول إنوا إنته ولا مجرم حرب
ونزلنا لحتى نختم الجوازات...و السؤال التقليدي ...من وين جايين ..مع العلم إني ما في غير هالطيارة جايي بهادا الوقت
وبعد هيك خلصنا ....ورحنا من شان نستلم الأمتعة...
ركدوا الشباب الشبيحة وكل واحد عم يسألك إذا بدك عربية من شان تستلمها مقابل 1 دولار أو 50 ليرة...مو مشكلة ..بس المشكلة إني التسعيرة بدون شيال .......كمان مو مشكلة...
وقفنا قدام ممشى الأمتعى وريحة المطاط الحامي معبية الدنيا....كمان مو مشكلة عادي ...المهم الواحد شم ريحة الوطن....وصلوا الشنط ... و الله لا يرويك ....مافي مرة بوصل على المطار وبستلم أمتعتي إلا وفي شنطة إما مشقوقة أو ناقص دولاب من دواليبها ......مع العلم و الله بتكون جديدة..كمان عادي مو مشكلة ....إستلمنا الأغراض ... وحطيناهن على العربية ..وتوجهنا لباب الخروج..وإذ
موظف الجمارك: الحمد الله على السلامة
المسافر : الله يسلمك
الموظف : إنشاء الله تكون الرحلة ميسرة؟
المسافر : الحمد لله
الموظف: شو جايبلنا معك
المسافر: و الله مافي شي من قيمتك ....شويت هدايا للاولاد
الموظف : ليش من وين جايي؟؟؟
المسافر : و الله من الصين
الموظف : ( تلمع عيونه فرحاً ) وبقول بقلبوا إجت الصيدة..: من الصين ....وعم بتقول ما معك شي ...شرف على جنب وفتحلي هالشناطي
المسافر : مو على راسي
الموظف : شو هادا كلوا ؟؟؟؟؟ لمين كل هالأغراض ....قناني عطر ..و كميرا ....وألبسة ....زوشاشة كومبيوتر..لا هيك ما بيمشي الحال ....هدول إما بدك تدفع عليهن جمرك أو بدك تترك الكميرا.. وشاشة الكومبيوتر و بترجع تاخد ها و إنته طالع!!!
المسافر : بس يا غالي هي للإستعمال الشخصي ... ومستعملة مو جديدة .. وبعدين وين بدي آخدها بالرجعة ماأنا سوري مو جاي زيارة وراجع على بلدي
الموظف : طيب شو جايب غيرها ....شوباك ماعم تفهم علينا اليوم
المسافر : طيب على عيني ...وهي إكرامية
الموظف : شو هادا ...لا لا مابيمشي الحال نحنة 4 أشخاص من عدا المعلم ...و ...باينتك مالك مستعجل ....
المسافر : يا أخي شو بتريد بس خلصني
الموظف : فتاح لأشوف ..... أيوا هي هية ..بس حطها بقلب الجواز ...وعطيني جواز السفر شنوا المطار مراقب بالكميرات
المسافر على راسي يا غالي
الموظف : الله معك
وبنطلع لبرا وبيمشي الحال
أحد موظفي شركات التاكسي : هل تريد سيارة اجرة أم يوجد من في إنتظارك؟؟
المسافر: بكام الإجرة؟؟
الموظف : 600 ليرة أو 15 دولار ....
المسافر : طيب ليش مو على العداد؟؟؟
الموظف : شنوا هدول شركات خاصة بتكسي المطار ونحنة مستأجرين مكاتب بالمطار...(يعني محتكرين الوضع)...من شان هيك مافيك تلاقي تكسي يشيلك و إذا صار وشفت في تاكسي ممنوع ياخدك شنوا في شرطي برا واقفلوا ....زبيلعن سلسفين أهلوا إذا شال حدا حتى لو كان أخوه
المسافر : شكراً بدي آخد باص المطار....رايد أجربوا
المسافر : ممكن أعرف الباص وين بيوقف.....
المسؤل عن الباص : بينزل بالبرامكة
المسافر : ياسيدي الله يعطيكن العافية وديمكن لهالوطن
مسؤل الباص: الحمد لله على السلامة .....
المسافر : الله يسلمك
مسؤول الباص منادياً أحد حمالين الحقائب: خود منوا الشناطي و حعدهن
الحمال: مو على راسي تكرم عيونك إنته و كل الركاب
المسافر: مشكور يا اخي..بس ممكن أعرف ليش يعدهن؟؟؟
مسؤول الباص : كل شنطة إجرتها 25 لإني سعرها بسعرك
المسافر : و الله هي أول مرة بسمع هيك شغلة.....مو مشكلة

تبدأ الرحلة إلى مركز المدينة و الوصول بالسلامة
يأتي سائق تاكسي و يسال عن الوجه المطلوبة؟؟
سائق التاكسي : لوين طريقك يا حبيب؟
المسافر : إلى مركز البولمانات
السائق: على راسي و على عيني........تفضل...هات الشناطي ولحقني
السائق : هادا مركز الإنطلاق و إنشاء الله بتصل سالم غانم على بلدك ...بتريد اي خدمة
المسافر : لا شكراً يا غالي ...و هي الإجرة وفوقها حبة مسك
السائق : شو هادا يا حبيب
المسافر: هي الإجرة
السائق : لا حبيبي ما حزرت ...الإجرة 200 ليرة
المسافر : بس عدادك 60 يا غالي
السائق : ليش مين بيحاسب على العداد يابي... العداد كلوا مو شغال .. الله يخليك ورانا شغل.زخلصنا من هاليوم أحسن ما نغلط فيك
المسافر : طيب مشيها 150
السائق : هلق بدك تدفع ولا رجعك محل ماجيت
المسافر : أمري لله.....
وبعد ما وصلنا على مركز الإنطلاق ......
مفرز الأمن : شو من وين جاي يا حبيب؟؟
المسافر : و الله من المطار و طالع على حلب
مفرزة الأمن : فتحلنا هالشنطة يلي معك يا غالي
المسافر : ممكن أعرف ليش؟؟
العنصر: و الله إجرائات أمن
المسافر : تفضل
العنصر : شوهادا كلوا ؟؟
المسافر و الله شوية أغراض
العنصر : بس كإني كتار
المسافر : وين المشكلة؟
العنصر : مافي مشكلة بس لازم تشوف المعلم
المسافر : هلق لسه كل شوي معلم وما معم ...خلصنا من هالمشكلة ....زإذا في شي ممنوعات معي لحتى أعرف ...إذا مافي ....مشيني وخلصنا من هالقصة ...و الله رح نجن من المطار لهون ...زصرلنا 24 ساعة طايرين ..ودخلنا 3 مطارات ....ماحدا عزبنا متل ما تعزبنا هون ببلدنا....
العنصر : ليش عم بتعيط ..طول بالك....عم نمزح
المسافر : ياسيدي ..مزحك كتييير حلوا ...بس مشينا
العنصر : (بقرف) شرف...فوت
المسافر : أووووووووووووووف
موظفة شركة النقل : يوجد رحلة إلى حلب كل نصف ساعة بدون توقف
المسافر : في عندك محل مرتب؟؟
الموظفة : على راسي من فوق .... وهي رقم 26
المسافر : مشكورة يا أختي بس و الله بعيد
الموظفة : و الله هادا أقرب شي ....بدك إستنا يلي بعدها
المسافر ..و إنشاء الله الرحلة بدها تمشي بوقتها
الموظفة : أكيد
المسافر: أمري لله
وصلنا على حلب و مشي الحال ...بعد ما وقف الباص بحمص .....وعلى مفرق حماه.(وهي رحلة على أساس بدون توقف.....يعني لو فيها توقف ...كان عدا على طرطوس و اللاذقية وبعد هيك على حلب ..و الله اعلم.....و كان في كتير من سائقي التكاسي يلي طاليبن يخدموا ..بس كان أخوي عم يستنا على باب الباص
وصلنا على البيت و كانت إم العيال باحلى زينتها ... وعم تستنا زوجها بأطيب الكلمات و ألذ الاكلات ....شنوا الحلبية بيحبوا بطنهن
و بإبتسامة رائعة بتقلوا الحمد لله على السلامة يا حبيب قلبي و روحي و عمري
الزوجة: شو جايبلي معك
الزوج : أنا كلي ملك إيديكي ....شو بتريدي ...انا تحت أمرك
الزوجة : الله لا يحرمني منك يا رب...ويديمك علينا ...وتجيب وتكتر من هالهدايا ...إنشاء الله ما تكون نسيت الغراض يلي وصيتك عليهن .....
الزوج : و الله يا حبيبت قلبي ... ما صح إلي .. إنشاء الله السفرة يلي جاي
الزوجة : مو مشكلة ... المهم وصلتلنا بالسلامة
الزوج : الله يسلمك يا عمري كلوا ....و الله ما تهنيت بسفرتي طوال ما إنتي بعيدة عني ....وما لقيت طعمة لأي لحظة بدونك
الزوجة : و الله البيت من غيرك ....ظلام



وهيك بتكون الحلقة التانية .. ....خلصت



برأيكن هادا معقووووووول ولا مو معقوووووووول
وليش هيك عم بيصير معنا إذا كان الحلم ممكن يتحقق
إييييييييييييييييييه
الله كريم
تحياتي
الحاج متولي