اقتباس:
كاتب النص الأصلي : حزوم الحباب
يا آنسة مروى ليش عم تحكي و كأنو نسيتي كل محاولات سورية الأبية لرد فلسطين
ليش نسيتي أنو حروبنا مع اسرائيل كانت كلها من شان شو
وبعدين فينا نفهم موقفك بالتحديد يعني مرة بتقولي: بس عنجد الاشي بدايق! قال "ما اخذ بالقوة لا يرد الا بالقوة" اي شفنا القوة شو عملت يا قبضايات!! بست ايام اسرائيل فرجتكو العجايب السودة!!
ومرة بحس من حكيك أنو ما حدا مهتم قديك بالقضية الفلسطينية
أنا آسف أذا زعلتك بس كلامك متضارب
وبصراحة فوتينا بالحيط
وشكرا........................................ .. |
يا جماعة ما تفهموني غلطططططط!!
انا مهتمة للقضية الفلسطينية اكيد! وبنفس الوئت ..ما بعرف كيف بدي افهمكوا يعني نحنا كعرب 48 اكيد عنا تخبطات! يعني من جهة نحنا فلسطينية ومن جهة نحنا بدنا نرضى بالامر الواقع وخاصة انو نحنا منحس انو حياتنا باسرائيل لسى اهون من الحياة بالدول العربية! يعني صحيح في تمييز ضدنا بس لسى بعاملونا كا بنادمين وفي عندي حرية اطلع عالشارع واعمل مظاهرة ضد الحاكم يعني في ديموقراطية ! مع كل الاحترام للحكومات العربية بس انا سمعت وشفت عجايب من تصرفاتها مع المواطنين العرب!
اما بالنسبة لمواقف العرب فنحنا الفلسطينية يمكن اكتر ناس بحبوا السوريين انا شخصيا بموت عليهن بس يا عمي العرب (بشكل عام) اتخذوا كتير قرارات غلط في الاوقات الغلط اللي ما ساهمت الا بزيادة ضياع فلسطين!!
وكانوا متخبطين بافكارهن وارائهن والاسباب انو ما في *وحدة* يعني واحد بئولك لازم نرجع فلسطين بالقوة والتاني بئولك لازم معاهدات سلام وشوفوا النتيجة اسى!!! شوفوا وين صارت فلسطين! برافو يا عرب!
والاغرب والابشع انو نحنا جيل المستقبل ما بنختلف كتير عن جيل امبارح ليكو بعد في بينكو نزاعات وتفرقات والمشكلة انو هالنزاعات رجال السياسة بزرعوها والشعب هو اللي بجني ثمارها!
سو انا مشان هيك متدايئة لانو ما في عنا تفكير لقدام ما بنفكر تصرفاتنا وتفككنا شو رح يعمل فينا!!! لك شوفوا الدول باوروبا كيف بفكروا وكيف توحدوا وشوفو احنا كيف منفكر وكيف منتشحر!!!
