إلى حفيدة المجاهدة جميلة بوحيرد الأخت الأنداسية و بعد ..
يعني من وين بدّي بلّش الحكي و أصلاً الموضوع ماكان بيستاهل كل هالحكي .. أنا لما سألتك منشان استفسر بأنو لمين قلتي هالعبارة كان قصدي بأنو كيف البنت عم بتأيد كلامي و كيف بنفس الوقت قالت هالعبارة يللي فكرت بأنها موجهة لشخصي .. ما تآخذينا تقريباً كلنا فهمنا معنى العبارة غلط .. يعني ليس كما يجب أن تُفهم بإعتبارها عبارة دارجة عندكن و مش مقصدود فيها الإساءة.
بدّي قللك المخالفة يللي أخدتيها مش سبب لحضرك عن الكتابة بالأقسام و دخولك المعتقل .. المفروض يكون عندك مخالفات من قبل و تقريباً مش منتهية صلاحياتهن منشان هيك انحضرتي ..
مابظن المشرفة بدها تطفشك و إذا كان هيك فأكيد بدّك تسايري أمورك منشان ماتبقى تتعرضلك, يعني هون الأمور آخدة منحى علماني لا ديني, بس في ناس كتير لساتهن قادرين على تسطير أفكارهن لكن بأسلوب و دبلماسية .. بدّك تعرفي كيف تعرضي مواضيعك بأسلوب بحيث ما تتسلط عليها اضواء كتيرة .. هيك الأمور ماشية هون .. أما عن الموضوع يللي اتخالفتي في فبدّي قللك أنت بلّشتي صح بكلامك بس حكيتي العبارة المشؤومة
و من بعدها ماشفتي الخير
.. و لا يهمّك عم داعبك بس هيك لرفع معنوياتك .. لأنو الموضوع مش مستاهل زعل و الكل آكلين مخالفات و الموقع مش فقط للسوريين .. أصلاً مافي إنسان بهالموقع إلو حرية حتى التفكير بأنو الموقع حصري للسوريين .. مادام الموقع عربي و مواضيعو مكتوبة بالعربي فأكيد رح يرتادو كل ناطق باللغة العربية, ناهيك عن أخوان إلنا نحن السوريين .. إن كانو جزائريين أو تونسيين أو مصريين و كمان خليجيين.
بدّي خبرك كيف حسيت و أنا عم حاور بهالموضوع يللي أخدتي في مخالفة .. كانت الامور ماشية تمام و أنت جيتي دخلتي و كمان لساتها ماشية تمام .. و إذ من غايب علم الله هيك مشاركة نزلت كل الـ Smiley Faces يللي موجودين باللوحة محطوطين فيها .. شي على سمايلى مطالع لسانو
و التاني ليكي شو شعراتي حلوين و أبصر شو .. لك العمى و الله انسدت نفسي عن الحكي .. و بظن بعض المشرفين مابيجبو هيك أمور أبداً .. فالموضوع كلّو على بعضو كان في بعض المشاركات الإستفزازية- مابعرف أنا هيك حاسس- فهيك قرر الإشراف بتعزيلو تشذيبو
ثقي تماماً أنت مش مقصودة كشخصيّة .. يعني الموقع مش ملك لمشرف ما .. الكل هون بسعر واحد ..
برجع كرر أسفي إلك على فهمك بشكل خاطئ و ياريت فيني ساوي شي لإسعادك .. خدي الموضوع بأريحية و Take it easy و بيكفي جَدَل لأنو مارح يجي من ورا إلا المشاحنات.
بتمنّى من الإشراف -خصوصاً بعد ما تبين إلنا بأنو العبارة بريئة ما بتحمل أي معني للإساءة- تعديل الأمور وحذف المخالفة يللي أخدتها أختنا الأندلسية بموضوع "عن داروين والعلم وسخف الاعلام العربي".