شوفيرية دير بعلبة
يلا هلأ تعو لأحكيلكن عن الشوفيرية بدير بعلبة
رح أحكي عن أشهر تلات نوعيات
الأول ..هوي شوماخر هيدا الله يكرمو بعوزو كتير وقت الفحوصات وقت بكون متأخرة كتير
لأنو الطريق بياكل مع غيرو تقريبا 20 دقيقة بس هوي بيوصلك ب 3 دقايق (والله ما عم أمزح)
شلون ما تسألوني يعني مستعد يفعس كل يلي قدامو مشان يوصل أول واحد عالكلية
مو مشان شي مشان يحافظ عاللقب(شوماخر)
و من أقوالو (والله يا معلم مسكتلك الطريق من أولتو للآخرتو و مانزلت عن 140 مع أنو أجى قدامي ولد صغير راكض ورا الطابة بس محسوبك ضربلك نقفة دين فرين أي والله الركاب بوسو القزاز القداماني)
يعني صدقوني وقت بركب معو بحس حالي بالhappy land
أصلا كل الركاب يلي عندن أمراض قلبية مستعدين يضل كل النهار ناطرين السرفيس ولا يركبو معو
بس أنا بركب
بس للأمانة شوماخر كتير قلبو طيب(حبوب يعني) مرة طلعت معو أنا ورفيقتي وكان عم ياكل سندويش وحلف بالطلاق ألا بدنا نشاركو الأكل قال مل بيطيق ياكل لحالو (بس طبعا ما أكلنا)
النوع التاني هوي عمو البصباص
هيدا شوفير عمرو شي مية سنة
بس الحمدالله روح الشباب موجودة
ونفسو خضرة عالأخير
يعني تصورو شوفير عم بسوق وعيونو لورا وليكون بعلمكن هوي ما بيطلع بالمرايا(مشان ما يشلأنا )
لأ بيندار كلو لورا مشان تكون الرؤية واضحة مية بالمية
ومن أهم ميزات هالأخ أنو حبيب مطبات
المعنى أنو كل العالم عالمطب بتنزل السرعة إالا هاد يعني بس يشوف المطب بيركب عالرابع و بيركض لعند المطب ركض وبتلاقي هالركاب عم يطلعو وينزلو بهالسرفيس مع شوية كفريات من بعض الأخوة المعصبين
أنا هاد ركبت معو شي 3 مرات و بعدين حرمت
فلينفجر القلب بلحظة ذل
ما زلت أحبك
أكره كل ما فيك
وأحبك !...
|