في يوم و ليلة .. ليلة ليلة
خدنا حلاوة الحب كلو في يوم و ليلة
أنا و حبيبي ... أنا و حبيبي
دوبنا عمر الحب كلو في يوم و ليلة
عمري ما شفتو ولا قابلتو وياما ياما شغلني طيفو
وفي يوم لقيتو لقيتو هو .. هو اللي بتمنى أشوفو
نسيت الدنيا و جريت عليه ... سبقني هو و فتح إيديه
لقينا روحنا على بحر شوق نزلنا نشرب و دبنا فيه
مين يصدق يجرى ده كله... و نعيش سوا نعيش سوا
العمر كله في يوم وليلة
يالي كان طيفك على بالي و أنا بتمناك
مش ح تصدق ايه كان حالي قبل ما ألقاك
كنت بحسد كل فرحة أشوفها بين قلبين
كنت أغير من أي نسمة حلوة بين حبيبين
وأنا لما صحيت على حبك و شفت الدنيا من عندك
اتمنى لو كل العشاق يحبوا زي أنا ما بحبك
يا حبيبي كنت وحشني ... من غير ما أشوفك و تشوفني
و القدر الحلو أهو جابني ... و جابك علشان تقابلني
أتارينا كنا تايهين و لقينا احلى ايام ليالينا
و إحنا فيها لوحدينا
و مين يصدق يجرى ده كله و نعيش سوا
العمر كله في يوم و ليلة
قالولي أهل الهوى ياما ياما فيه قلوب مجاريح
وبحبك إنت أنا هاشفي كل جريــح
بيسألوني لو غبت عني
أو رحت مني
أعــمل إيـــه ؟؟
أحب تاني ؟
مش ممكن اقدر
تعرف يا روحي ما اقدرش ليه ..
هو اللي زيك .. لو كان في زيك ، في الدنيا ..
حد يحب عليه ؟؟
دي كل حاجة اتغيرت قدام عينيّ
و كل شيء في الدنيا حلو بقول ده ليّ
وأي حاجة ألمسها تحلى بين إيديّ
ده من نهار حبك ما جي و سلم عليّ
حبيب آمالي يا غالي .. عمري كله ليك
و كل عمري يا عمري مش خسارة فيك
بقول بحبك و حبك كان ميعادو بعيد
و في يوم و ليلة ..
ليلة جميلة هلت المواعيد
قابلت شوقك بشوقي بعد طول حرمان
و في يوم و ليلة .. ليلة جميلة ضحكت لي يا زمان
لو قالولي اليوم و ليلة دول حياتي يا حياتي
أقول كفايه..
دي الحياة في الحب لو ثواني
عمر تاني مالوش نهاية
يالي حبيتو قبلنا
يالي حتحبوا بعدنا
يارب يتمم فرحكوا
يارب .. يارب
و تحبو بعض زينا .. آه زينا
يا حبيبي كنت وحشني من غير ما شوفك و تشوفني
و القدر الحلو أهو جابني و جابك علشان تقابلني
أتارينا كنا تايهين و لقينا أحلام ليالينا
و إحنا فيها لوحدينا
و مين يصدق يجرى ده كلو و نعيش سوى
عمر كلو في يوم و ليلة
