[سرسورة]

كاتب النص الأصلي : TheLight

تسلمي سرسورة..غمرتيني..
بس قال عم بيقولو أنو الزبادي الصيني عم تتكسر كتير هالأيام...
هديك الزبادي التقليد ....مو الاصلي يا حكيم....

أنو هيك كم سؤال ع الماشي...

* أسئلة طبية (بدون رجعة ع أي مرجع):
1- حكيلنا عن شوي عن الحماض والقلاء بنوعيهم الاستقلابي والتنفسي..معك 5 أسطر كحد أقصى لكل واحد.
مابعرف كيف بدي اشرح عنون...بس رح حاول قدر الامكان....
اول شي ال phالطبيعي لازم يكون (7.40+0.05) او (7.40-0.05)
والحماض بيجدث لما بينزل ال ph عن ال7.35 اما القلاء بيصير لما بيطلع الph عن ال 7.45
هلأ ال co2 هوي الغاز الحمضي بالجسم,,,اما البيكربونات HCO3 فهي الشاردة القلوية
الحماض الاستقلابي بيصير لما بينخفض ال ph و بينخفض البيكربونات و اهم مسببات الحماض الاستقلابي هو تراكم الحموض مثل حمض اللبن..او تراكم البولة, او ارتفاع الكيتون ( متل الحماض الخلوني السكري) و احيانا الادوية بتسببو متل البيغوانيد او الساليسلات...
هلأ الحماض التنفسي ف بيرتفع فيه ال co2 و بينخفض فيه ال ph ممكن انو تسببه الامراض العصبية او الرئوية او القصور الكلوي....
بالنسبة للقلاء....
القلاء الاستقلابي بيرتفع فيه ph و بترتفع فيه البيكربونات و من اهم مسبباته الاقياءات و نقص البوتاسيوم و الحروق وتناول الاسس...
القلاء التنفسي بيرتفع فيه ال ph و بينخفض فيه البيكربونات و من اهم مسبباته فرط التهوية , الامراض النفسية, السكتة الدماغية, التهاب السحايا, و بعض الادوية......
هاد اللي طلع معي عن موضوع التوازن الحامضي القلوي...
2- شو الفرق بين (الاعراض) و(العلامات)??
ياسيدي الاعراض هي المظاهر اللي بيجي فيها المريض وبيوصفها...بينما العلامات هي الامور اللي نحنا منحصل عليها خلال الفحص السريري....
3- شو علامات الفيوكرموسيتوما؟
الفيوكروموسايتوما هوي ورم نادر نسبيا...مفرز للكاتيكولامينات و سبب(قابل للعلاج) لارتفاع التوتر الشرياني...90% وحيد الجانب...90% ورم سليم..و 90% بيكون بلب الكظر...
اعراضو ارتفاع توتر نوبي....معند على ادوية الضغط, شعور بالم صدري و عدم ارتياح(غالبا بيكون ع شكل شد), خفقان, فقد وزن, تعرق, قلق,شحوب, ...
علاجو حاصر الفا , و تشخيصو بيكون بجمع بول 24 ساعة لمعايرة VMA
شو أعراض هاشيموتو؟
هاشيموتو هوي التهاب الدرق المناعي المزمن اللي بعرفو عنو انو بيسبب ضخامة فصية بالغدة الدرقية غير مؤلمة بالجس , متناظرة...غالبا بتكون وظيفة الدرق طبيعية واحيانا بيكون في قصور مع حدوث فرط نشاط عابر بالبداية...يعني بعتقد انو هي سلعة درقية مزمنة بدون اعراض غالبا...
شو موجودات الصمة الرئوية ع الاكس راي و ع الاي سي جي؟
عفكرة هاد كان سؤال المقابلة تبعي بمقابلة الجراحة بالسادسة
على ال CXR:تكون طبيعية باغلب الاحيان , احيانا بيكون في قلة تروية باماكن الاصابة, احيانا منشوف انخماصات.,اوتوسع الشريان الرئوي, احيانا منشوف ظل مثلثي بحال ترافق الاحتشاء مع الصمة, واحيانا منشوف انصباب جنبي خفيف...
على الECG:كمان غالبا بيكون طبيعي...احيانا منشوف تسرع, حصار غصن ايمن,علامات اجهاد او قصور بطين ايمن (انقلاب T من V1 ل V4)
و التشخيص الاكيد بيكون بتصوير الشريان الرئوي الظليل....

نجحت بالفحص؟؟؟؟

* أسئلة مهنية
- وين عم تختصي؟للاسف عم اختص حاليا بوازرة الدفاع..تركت الدراسات و اخترت الدفاع ليش مابعرف
- وين صرنا بالستيبات؟ انشالله اذا مشيت الامور متل ما عم خطط ...رح قدم باخر هالسنة....
- شو المخطط الدراسي بالمرحلة القادمة؟ انو عم حاول اني ادرس للستيبات مشان اقدر قدم باسرع ما يمكن..بس مابتخيل بقدر قبل اخر السنة...من هون لوقتا مابعرف اذا بضل بالاقامة ولا بفك عقدي...لشوف شو الله بيسر....

* سؤال شخصي

كيفون (ك.م) و (ن.ص)؟؟ ووين صارو ه الأيام؟؟
منااااااااااااح....ناطرين بيبي....رح تجي بعد كام شهر....

بيكفي اليوم أسئلة

ع راسي حكيم......