[mauoosh]

يلا منرجع منكمل حكي
وهلأ رح أحكيلكن عن الشعب _السكان_ الأهالي المقيمين بهالمنطقة
يعني تقول بحياتن ما شايفين بنات
يعني بيطلعو عالوحدة كأنها جاية من المريخ
وبيجأرو و بيتمعنوا وبيركزوا منيح فيك
(لدرجة بحب أوقات روح أضرب الشب وقلو استحي ع حالك بأى)
لك أوقات بكون قاعدة أنا ورفيقتي بيطلعو شباب بيقومو بيقعدوا بالقلب (بالمقلوب يعني) مع أنو كل المحلات بتكون فاضية مشان يجأرو منيح وبيبلش الصفن (تقول عم يطلعو ع شي تلفزيون)
مع العلم أنو لبسي عادي (محتشم) يعني مو مانطو للأرض (بنطلون جينز وتيشيرت طبعا نص كم )
مع احترامي لكل الأديان بس ديني و قناعاتي ما بتفرض عليي ألبس حجاب و مانطو
وبنفس الوقت ما عندي أي مشاعر احتقار أو كره للي بيحطوه
أما النساوين بهالمنطقة فبتلاقي عندن حقد دفين للسافرات يعني بحبو يوصلولك فكرة أنو أنتي فلتانة وأنا الطاهرة
يعني لوضحلكن متلا بتطلع وحدة محجبة وجنبي محل فاضي وما بترضى تقعد جنبي لا بل بتقعد جنبي شب وبتقعد لحالا بمقعد مشان ما تقرب مني (بركي انعدت فلتنة)
ما علينا
بس أحلى شي مرة نسيت حط موبايلي silent
والله غضب عليي ورن موبايلي وبلشلك ملحم زين يغني
بس شو كل السرفيس صار عندي أنو عم يطلعو أنو هاي ليش جايبي معا مسجلة؟؟
وليش شغلتا بالسرفيس؟؟
يمكن فكروني رح فوم أرقص الله وكيلكن ما بعرف شو بيفكرو
بس المهم علامات الإستفهام عبت السرفيس
بس وقتا عرفت معنى المتل (انشالله تنشق الأرض وتبلعني)
عكلن للموضوع تتمة
باي