[Tulip]

كاتب النص الأصلي : Tulip

نيرفانا..... بما انو الجريدة يخزي العين منوعة كتير و شاملة..... شو رأيك نضيف قسم الأبراج.....
ما الصبح العالم بيقرو أبراج......
رح بلش ببرج الحمل:

عزيزي برج الحمل: أوعك ثم أوعك تتدخل اليوم عالصالون (يعني بصراحة ما ناقصك) أذا فتت رح تنفتح جرواحاتك القديمة كلها.... حب على غربة على زواج على ما بعرف شو..... رح يصيبك تلبك فكري من كتر الافكار المطروحة....... أحذر الرود الصاروخية، و خلي ردك عطول مدعوم باقتباس!

عدنا مع الأبراج:
- برج الثور: بعرفك عنيد و مارح تسمع الكلمة!!! مشان هيك مارح قلك شي بس وينك ما بدنا مشاكل اليوم الله يرضى عليك. خليك بقسم الألعاب عند هاني عقلو كبير و بستوعبك!
- برج الجوزاء: كل أعضاء أخوية مللوا من ازدواجية شخصيتك...... خلينا نفهم بقى انت معانا أو مع التنيين؟؟؟ ما خرجك المنبر خيي..... يعني ما تواخذني بدو صاحب قرار!!
- برج السرطان: قلتلك ضل قاعد بالمي و بللاك هاطلعة لفوق وجعة راس!!!!!!!
ما رضيت بدك تتطلع عالسقيفة، اقعد بالغبرة لكن و بين القصص يلي محطوطة عالرف..... بتستاهل
- برج الأسد: شو قصتك بهاليومين !!!! وينك لازم ترجع تفرض شخصيتك. التسيب شغال بالأخوية و المشرفين عامليلنا حالون شغلة و خلو الأقسام حارات كل مين أيدا إلا!!!!!
- برج العذراء: يسلملي البرئ أنا!!!!!! خلص شلاح هالتوب بعرفك!!!! ولك أي بعرفك...... لئيم و بتزد ردود من تحت لتحت....... كاشفتك أنا!! و ما بقى كمان تزد مواضيعك كيف ما كان، ترى التنبه شغال بهاليومين..
- برج الميزان: معلم والله، بتساير الكل و ماشالله عليك متل حبة العدس ما معروف وجك من قفاك!!!! لابقتلك التشريفات، جايبة شكلك تمام..
- برج العقرب: "جنب العقرب لا تقرب و جنب الحية فريش و نام" (هي أقتباس من العقرب الأسود، سامحنا عالسرقة عقرب !!)
- برج القوس: ولك شبك، شبك بيضربوك يمين بتجي شمال، و بيضربوك فوق بتجي تحت، ما بقى تحشش !!! خلصنا من هالادمان بقى... خليك بالخواطر و الخربشات هونيك ما بيعرفو شو عم تحكي، بيفكرو شي كتير مهم!!
- برج الجدي: خيي يعني شو هالقصة أذا حاسس حالك ما ألك مطرح بالأخوية، روح دور عمحل تاني... الدنيا واسعة و ألا ما تلاقي حالك بشي مطرح!
-برج الدلو: مسطول عطول، و ما بتعرف تكتب كلمتين (ليش هالسمايلات كلا يعني)....... ليك اليوم حاول تطور حالك و أذا بدك شي البريد جاهز...
-برج الحوت: رومانسيتك عم تموتنا، بدنا حكي عملي، قوم يلا حاجتك أحلام و كلام فاضي....... بدنا نشوف لمساتك اليوم برا قسم الأدب!!!