دائما مقياسك بأي نقاش هو ديني أو قومي أو وطني ديئ . بتمنى أنو تكون نظرتك أشمل . وانو يكون المقياس يلي بتقيس عليه نقاشك وحججك . بيفيد وبناء . بدل مايكون العكس
اقتباس:
كاتب النص الأصلي : suryoyo
المطلوب نبطل بيع المثاليات ...
اللي يريد يناصر اطفال غزة ... يناصرهم بالفعل ... على الاقل الاكل و الدوا
بدل ما يقعد ينتقد مبارك و غيرو ... لاجل مصالج سياسية بحتة ...
و فاهم قصدي ... !
أي فاهم قصدك . قصدك تروح وتجي وتلمز وتهمز على النظام السوري . أو الأخوان المسلمين . والمشكلة اني مابحب أنحط بموقف المدافع . بس مع ذلك كلامك مردو عليه . أطفال غزة ناصرتهم سورية بالغذاء والدواء . وان كانت هناك دول عربية أخرى فعلت نفس الشي . فسورية كانت الحاضن السياسي الوحيد لهم مع قطر . والأخوان المسلمين بمصر طلعو فتاوي للجهاد . وفيك ترجع تقرا شوي قديش تعبا منهم أثناء حرب غزة . نبطل نبيع المثاليات . حلوة هي . ندعم اسرائيل حتى نكون واقعيين ؟
مو قصة دعم سابق او لاحق ...
بس انو كل هذا الحكي و فش الخلق لاجل مصالح سياسية .. بحتة ...
أي فعل ورد فعل بالسياسة لمعلومك هو بينتج عنو شي . وهاد الشي بيستغلو كل طرف لصالحو . بس انت من مشكلتك مع الأحزاب الأسلامية . بتفترض شوء نيتهم دائما . صار دعم أطفال غزة لمصالح سياسية . ليش وين شايف أنتخابات ممكن يستغلوها بهالحكي ؟ . وطالما كان هالكلام لصالح قضية عربية فشو المشكلة أنو نوقف معو طالما هو لصالحنا . ومنوقف ضد يلي بيكون مو لصالحنا . يعني اذا بيوم من الايام مثلا وقفت أميركا مع القضية الفلسطينية وضغط على اسرائيل . منقلها حلي عنا أنتي الك مصالحك بالهشي ؟
و ما شفنا تيار عربي بهذاك الوقت يدعو لنصرة اطفال العراق ... في حين كانت الجزيرة و غير قنوات محلية تحكي على اطفال الشيشان و على اطفال البوسنة ...
بس اطفال العراق .... مو مشكلة ابدا ...... خلي يموتوا من نقص الدوا
و هذا الشي يعطينا خبرة عن كيفية تعامل العرب شعوب و حكومات مع القضايا ...
كلامك هاد في تجني كبير على قناة الجزيرة . وقناة الجزيرة كان تفرد دائما ريبورتاجات عن أوضاع الأطفال في المشافي ونفوذ كثير من الدواء .وعن الوضع المأساوي في العراق . بالوقت يلي كان الاعلام العراقي نفسو . يطبل ويزمر للقائد المغوار .
ما عم شوف تصليح مواقف ... لان مو واضح من الواقع على الارض .. ابدا
اذا كل ما واحد حكا كلمة حق . بدو يتهاجم بأسلوبك . فبحياتو مارح يتصلح الوضع . حاولو ينصرو أطفال غزة . بأول ردك الت بلا ضرب وطنيات . كيف بدو ينحل ؟؟؟ .
حقك .. ما شفت الشي اللي شفناه ...
طالما أنت شفتو وعشتو . كيف بتقبلو على غيرك ؟؟؟ . المفروض ماتعود تقبلو على عدوك بعد معايشتك الو
لان الاعلام العربي الفذ ما نقل 5% من الحقيقة ...
كثير اطفال مصابين بالربو ... ماتوا بسبب عدم توفر السالبيوتامول
كثيرين مصابين بداء السكري .. ماتوا بسبب عدم توفر الدوا
سنة 1998 ... عملوا شجرة ميلاد كبيرة جدا ... فيها اسماء الاطفال اللي ماتوافي تلك السنة بسبب الحصار الدوائي
لو العرب كسروا الحصار .... ما كان ماتوا هؤلاء الاطفال
الحكومات يلي ممكن تكسر الحصار . وانا ماعم دافع عنها . أنا عم هاجمها اذا بدك . مشان هيك عم هاجم موقف حسني مبارك . أما أذا قصدك كشعوب . فما بعرف شو ممكن يعملو . وماعملوه
يوم ضربوا ملجا العامرية ... و الجسور و المستشفيات و حتى الجوامع ... ما شفنا رد فعل عربي (شعبي) .. !
|
أخر سطر أنت كاتبو . زعجني كتير . كل المظاهرات ومشاعر الغضب يلي قام فيها الشعب العربي مالها عندك قيمة ؟ . شو كان ممكن يعملو أكتر وماعملوه ؟ . الشباب يلي راح للعراق حتى يحارب فيها أول أيام الحرب . ويلي مات كرمالها . هاد كلو برأيك ماكان ردة فعل . جد ياحيف . أذا انت عم تقول هيك وفي ناس بتفكر متلك . ما تسأل ليش هيك عم يصير فينا . شو بدي الو لرفيقي يلي صار معو عجز برجلو بعد ما أنصاب بأول الحرب بشظية . بيئلك شخص عراقي ماشفنا ردة فعل ؟ جد ياحيف