يا اهلا اهلا ب خضر ..
اقتباس:
لك عراسي احلى ابو سارة
|
- اذا ما فهم المقابل بالادب الساخر (بطريقة غير مباشرة) لاكتر من مرة ... شلون رح تتصرف ؟
(مو بس ريحة تمو مو طيبة و فوقاها مخو قافل
)
اقتباس:
|
يا سيدي هون بقى بيصير لازم الواحد يثور على هالشي ويسكرلو تمو او يكسرلو سنانو وبتعاون مع المغلوب على امرن وعم يشمو هالريحة
|
بالنسبة لكثيرين يكون الادب الساخر طريقة للتعبير عن الرفض ... لكثير اسباب
بس هل تعتقد ممكن يحقق الهدف بالاصلاح (اكثر من الكلام المباشر)
اقتباس:
|
بفكرة حكيتا ع سؤال ( سوا ربينا ) قلت انو الفكر الساخر اكسرع انتشار واكتر تقبل بهالوقت وبالتالي ممكن انو يكون فيه طريق بيوصل للاصلاح إذا ماكان مخو قافل .. بنفس الوقت الادب الساخر ممكن يعطي الحل وهو عم يعرض المشكلة
|
مين اكثر كاتب ساخر يثير انتباهك و تحب تقرا كتاباتو
اقتباس:
|
هلئ من الممكن اني قول الماغوط واسلوبو الساخر الموجع بس انو رح حس الجواب مبتذل .. كونو الماغوط رمز .. بس في كتاب مو مشهورين كتير واسلوبن بيشدك لتقراهن متل وليد معماري , وفي يوسف غيشان (موجود باخوية ) وكتير عالم تانيين .. وفي عندك هون باخوية كذا واحد بحب كتير اقرالن .. متل عابد وعلاء والمحارب
|
تحب تقرا لعزيز نيسن ؟
اقتباس:
|
هلئ هو قريان بعض كتاباتو باخوية وبغير اخوية واسلوبو رائع بس ما كتير بفضل اقراه
|
هلا بمعرض حديثنا عن الافكار ...
شو موقفك الحالي (و السابق اذا متغير) من ...
الحرية المسوؤلة (و ما تعريفك لهذا المصطلح)
اقتباس:
|
مافي شي اسمو حرية مطلقة ابدا .. انك تعمل شو ما بدك وقت اللي بدك هي اسما كذبة .. الحرية إذا ماكنت مسؤولة بتصير عشوائية بينما الحرية المسؤولة فهي انك تكون على قدر من المسؤولية لتتصرف بحرية بدون ما تتعدى على الآخرين - الآخرين مو بالضرورة البشر .. كمان البيئة والحيوان يعتبرو آخريين -
|
الهجرة
اقتباس:
|
رغم اني مغترب وبحب السفر بس انا ضد الهجرة تماما .. سابقا كنت مع انو الواحد يهاجر ليخلص من الظروف اللي عايش فيها ويخلق حياة جديدة بس هلئ انا بشوف انو قد الواحد ما سافر لازم يرجع لانو إذا كل شخص قرر انو يهاجر مارح يصير في اصلاح
|
الغربة الداخلية (عن المجتمع)
اقتباس:
|
اسوء انواع الهجرة لما تفصل احساسك عن مجتمعك لتعيش بمعزل عن الحياة ( مابعرف إذا فهمت السؤال صح )
|
الزواج المدني
اقتباس:
|
ممكن يكون نعمة .. ومع الاسف بمجتمعنا رح يخلق مشاكل كتير رغم انو لازم يكون حل ... من ناحيتي انا مع انو يكون في عنا زواج مدني
|
المدينة الفاضلة
اقتباس:
|
ممكن انو الانسان يخلئ بداخلو مدينتو الفاضلة او بعضا منها انو هي ضرب من المستحيل بس ممكن تنوجد ولو ما كنات بالصورة الافلاطونية .. على اعتبار انو الاخلاق موضوع نسبي وبتختلف من مجتمع للتاني ومن جيل للاآخر
|
الفقر .. و طريقة الحد منه
اقتباس:
|
يمكن نقضي ايام ونحن عم اناقش اسبابو وعواملو ونتائجو بس بصورة عامة فينا نقول انو احيانا بيكون دافع للنجاح .. رغم انو احد اهم عوامل الشذوذ الاجتماعي طبعا بيختلف حسب درجة الفقر .. الحد منو صعب او مستحيل هاد الشي مرتبط بوجود مدينة فاضلة داخلنا كـ بشر . نقطة تانية رغم اني برفض وجود الفقر بمجتمعنا بس احيانا بيكون حاجة ضرورية للمجتمع لانو بنظري اللي ماعاش بفقر مارح يعرف المعنى الحقيقي للغنى )
|
بعتذر عالتأخير بالرد بس صاير عم ارجع متأخر انشاالله بكرا بحاول ارجع بكير لرد على ما تبقى
من اسئلة
تحياتي إلك ابو سارة ولكل من ساهم في إنجاز هذا العمل
كان اسمه.. .
لا تذكروا اسمه!
خلوه في قلوبنا...
لا تدعوا الكلمة
تضيع في الهواء، كالرماد...
"We ask the Syrian government to stop banning Akhawia"