مجرد....... فشة خلق
شلون الشعب
والصامدين كمان كيفكن؟
بصراحة احلى من انو نكون نحنا بعصة ..... مافي
يا ريت ما تتشفر الكلمة بس بعصة و حياة ارضنا وكرامتنا
وحياة شعبنا وارادتنا
وحياة رأينا الحر و صوتنا اللي رح يرتفع غصب عن اللي بيرضى واللي ما بيرضى
نحنا بعصة
اخدو حسام؟ طارق ؟ دياب ؟ماهر ؟ علام؟ عمر ؟ كريم ؟ علي؟؟ اي صح مو غلط
اخدوهن وسجنوهم وعميلعنو ابو اللي نفضهن بس وحياة هالصوت اللي عمحاكيكن فيه
نجمهم علا و صار بالسما متلو متل صوتنا اللي رح يضل مسموع غصب عن انوفهم ...
بعدنا بالسما اللي عمتغيم غضب ورح تشتي نار عليهن وعكل واحد بفكر مجرد تفكير يخفي اصواتنا
ما حدا من الشباب يفكرنا ساكتين لانو ضعفا لا وحياتكن
هاد اللي بيتسمى هدوء ما قبل العاصفة
باليوم اللي عمياخدو فيه صوت حر من اصواتنا
عميخلف مليون صوت يكفي طريقو اللي بلش فيه
ورح تضل اصواتنا طالعة وعمتعلى وعمنزداد اصرار كل يوم عن يوم
بس الفرق انهن بيدفعو دم قلبهن ليكبتو صوت واحد ... بينما نحنا بكلمة حرة بصوت صادئ منقدر نزلزل الارض
مافي داعي نقدم الادلة ...... لانو لو ما عملوها من قبلنا كل اصواتنا الحرة ورح نعملها نحنا ما كانو ( نفوهن )
رح ضل متفائل انو رح نضل بطريقنا اللي بلشو فيه شبابنا ... وجاهزين
وازا معتبرينو هاد تحدي .... فـــ أهلا فيكم بالجحيم
و ما تنسو بالاخير
هاد راينا الحر .... هاد صوتنا .... هاد وطننا .....
سلام
تحية لكل من دفع حريته ثمن لصوته
|