انا قلت كلمه واحدة وكان لها معنين
كما بطن واحدة وتوأمين زين وشين
لو دنيا شر التوأم الخير يموت
ولو دنيا خير الشر حيعيش منين؟؟
وعجبي
لا تجبر النسان ولا تخيرو
يكفيه مافيه من عقل بيحرو
اللي انهاردة يطلبو ويرضاه
هو اللي بكرا حيشتهي يغيرو
وعجبي
عبسا بقول وبقرا في سورة عبس
ما تلومش حد ان ابتسم او عبس
في ناس تقول الهزل يطلع جد
وناس تقول الجد يطلع عبس
عبس عبس عبس عبس
عجبي
ياعندليب ما تخفش من غنوتك
قول شكوتك واحكي على بلوتك
الغنوة مش حتموتك
انما كتم الغنى هو اللي حيموتك
عجبي
|