[Nihal Atsiz]

كاتب النص الأصلي : ابو ريتا

لا مانو مضطهد .... لما بيكون عايش متلو متل السوري بنسيج مجتمع متفق مع كل فئاتو .. مابيكون
مضطهد .... لما بدو يعمل عنتر .... لازم يتوقف عند حدّو كرمال الأرض الي عايش فيها ... واحتراما للشعوب
الي عايشة على نفس الأرض ...

شوف لقلك....
كل السوريين موالاة ومعارضة , والموالاة قبل المعارضة يقولون أن سوريا دولة متعددة الطوائف لذلك لا يمكن أن تحكم من قبل طائفة واحدة أو حزب ديني.
في نفس السياق فإن سورية دولة متعددة القوميات أيضا, فهناك العرب والأكراد والتركمان والأرمن والسريان والشركس والشيشان والداغستان والقراشاي والقليل من البوسنيين.
فلا يمكن أيضا أن يتم حكم سورية من قبل قومية واحدة أو حزب قومي كحزب البعث العربي, وإذا كنت غير موافق على هذا الكلام أرجو أن تشرح لي لماذا لا يمكن حكم سوريا من قبل حزب ديني بسبب التنوع الطائفي الكبير ولكن يمكن حكمها من قبل حزب قومي عربي بالرغم من التنوع القومي الكبير أيضا؟؟؟

كاتب النص الأصلي : ابو ريتا

هلأ الأرمن بهيك حالة مضطهدين اذا بدنا ناخد على حكيك ( وهنن على مرّ التاريخ أكلو مجزرة من الأتراك بعد كم
سنة بدو ينساها التاريخ لأنو رح يمّر عليها مية سنة ) .... سعرون بسعر الأكراد .... تعال جاوبني هون
ليش الأرمن عندون مدارس والأكراد ماعندون !

بدك ما تؤاخذني لأنو بصراحة ما فهمت الفكرة من كلامك هون.

كاتب النص الأصلي : ابو ريتا

لما بدو يكون عايش بأرض فيها قانون .... وبدو يخالف القانون ومو عاجبو ... ف الله والنبي معو .... بلاد الله واسعة

شكلك كتير واثق أنو دولتنا فيها قانون!! شو هالقانون اللي بحط أحرار البلد وشرفاءها بالسجون وبترك الحرمية والمجرمين يحكموا ويسرحوا على كيفون, على كل حال هادا موضوع تاني, المهم يا سيدي مثلا بالدستور السوري الموقر هناك مادة تقول:
إن الشعب في القطر العربي السوري جزء من الأمة العربية يعمل ويناضل لتحقيق وحدتها الشاملة.
ولك على عيني وراسي الأمة العربية, أنا صراحة كتير متعاطف مع قضايا الأمة العربية وأهدافها وتطلعاتها في كل مكان وزمان بس المشكلة يا أخي أنو أنا ماني عربي والكردي كمان مو عربي, شو نعمل؟ الله دخيل اسمو هو اللي خلقنا هيك مو عرب ,نحن سوريين بس مو عرب.
لك إذا الدستور عم ينكر وجود الأكراد وغيرهم من الاثنيات الغير العربية , بقى لا تقلي أنو غير مضطهدين.