اقتباس:
كاتب النص الأصلي : ..Jimy
في قوانين بتمنع زواج القاصرين..بالنسبي إلي الزواج بعمر 24 زواج مبكر.. وبعيق الحياة المهنية للمرأة  ..
والنفقة بظن لازم تتناسب مع دخل المعيل..
|
وبالنسبة الي زواج الفتاة بسن 20 و 22 و24 زواج مبكر .. بس بيبقى هاد رأيي الشخصي وما لازم ينفرض ع العالم .. كل واحد حر ايمتى يبني عيلة وبالوقت لي بيشوفو هو مناسب بشرط انو يكون بالغ وجاهز نفسيا وماديا .. بس لي عم يصر اليوم انو نسبة كبيرة من الفتيات بيتزوجو بكير نتيجة لضغوطات عائلية واجتماعية ..
اقتباس:
الشي يلي اكتر شي بيزعج انو عنّا تكامل بالظروف السيئة لعمل المرأة  ..
|
مسؤولية مين هي يا ترى ؟ والشغلة وقفت ع ظروف العمل يعني ؟
الله يخلي الحكومات لشعوبها !
اقتباس:
وإذا تخطت الموضع واقنعت زوجها ومجتمعها انو لازم تشتغل..
فمافي مراكز حضاني للاطفال .. والصبية يلي عم تشتغل بدها تخلي ولادها عند امها او حماتها أو جارتها..
وحلوها اذا بتنحل
|
يعني ما بفهم انا ، ليش لحتى المرأة تقنع زوجها ومجتمعها بالعمل بعد الزواج ؟ ما الرجال بيشتغل بعد الزواج وما بشوفو عم يعمل مظاهرات لحتى يقنع حدا .. والزواج شراكة بكل شي من الشغل لتربية الاولاد ، هاد غير انو لازم تتغير المفاهيم المتخلفة لي بتفكر انو الشغل بس للمصاري وللاعالة .. حتى لو الزوج عندو القدرة على اعالة عيلتو المرأة لازم تشتغل لتكون مستقلة ولتحقق ذاتها ولتقوّي نفسها اقتصاديا واجتماعيا ..
هي المسؤولية بتوقع بكاملها على الدولة ،
الدولة هيي القدوة والمثال الاعلى .. وازا الحكومة شافت شعبها ضاربو العفن وما تحركت ولا عملت شي فبتكون هيي المسبب الاول لاستمراريتو بهالشي ..
خلونا نشيل عجنب انو اصلاح المجتمع بيتعارض مع مصالح الدولة ومع جيبة الدولة ومع حماية سياستها ،
ازا الدولة فتحت حضانات .. رح تشجع النساء على العمل ، وازا عملت حملات توعية لضرورة انخراط النساء في سوق العمل العالم رح تفهم شوي ورح تبلش بالتغيير ..
رح يكون كتير صعب على كام مرا انهن يعملو تغيير اجتماعي ضخم لهيك هني بحاجة لمساندة عنصر قوي متل الدولة وبحاجة لدعم الذكور في المجتمع ..
اقتباس:
يعني كوعي..البنت إذا صار عمرها فوق 30 ولساها مو مرتبطة تعتبر مشكلي ..
وإذا ارتبطت (وحسب الثقافي السائدي) لازم فورا تكون "مخباي شي"  ..
|
لاء واحلى شي انو بيشوفو صبية بيبلشو يدعولها انو الله يبعتلها ابن الحلال .. انو مين قلكون يا جماعة انو هالصبية بدها انو ينبعتلها ابن الحلال ؟ !
يعني بيحسسو الوحدة انها رجل كرسي بلا ابن هالحلال .. وكأنو لي رح يعملها بني آدمية هوي ارتباطها بابن هالحلال .. اشتهيت شي مرة حدا يدعيلي باني انجح واوصل وحقق ذاتي واكبر واكبر .. بس وين ابن الحلال اهم !
اقتباس:
|
و كما انو في فكر سائد أنو المرأة لازم تئعد بالبت مشان تربي ولادها..
|
ومين قال انو لولاد ما بيربو الا ازا امهن ما اشتغلت ؟ يعني الحضانات ممكن توفر للاولاد اكتر من يلي بتعملو الام في البيت ..