[VivaSyria]

ساعة متواصلة من الاعترافات المؤلمة بالفعل...

الاعترافات شملت تفاصيل التخطيط للعنلية وتفاصيل عمل هالمجموعة... بالإضافة لألية عمل هالنوع من المجموعات يلي نوعاً ما مستقله... بمعنى انو حتى التمويل بيكون ذاتي ببعض الأحيان وبينجبرو يقوموا بعمليات سطو وسرقة مشان يؤمنوا التمويل... والملفت أيضاً بموضوع التمويل انو ببعض الأحيان بتقوم بعض الجمعيات الخيرية وبعض التجار باقتطاع جزء من مواردون لتمويل هالجماعات...

أكثر ما لفتني هو انو جميع الارهابيين درسوا بمعهد الفتح الاسلامي... هالمعاهد يلي على مايبدو تحولت من وظيفتها الدينية الأخلاقية لوظيفة اجرامية...

أهداف العملية "حسب ماصرح رئيس التنظيم المعتقل" : كانت توجيه ضربة للنظام رداً على اغتيال زوج بنت شاكر العبسي وتوجيه ضربة للاستقرار.. وبنفس الوقت اثبات وجود التنظيم بقيادته الجديده بعد اختفاء شاكر العبسي يلي كان موجود بدمشق... طبعاً هاد كلو حسب الاعترافات يلي بثها التلفزيون..

طبعاً لم ينسى المعترفون توجيه أصابع الإتهام حول التمويل الى تيار المستقبل... ولم ينسوا أيضاً ذكر حقدهم الشديد على أجهزة الأمن السورية البطلة التي تحبط مخططاتهم الارهابية دائماً...

ولفتني عدم توضيح مكان شاكر العبسي حالياً على اعتبار أنه ورد في الاعترافات ان الأجهزه الأمنية كانت تتابع تحركاتهم وبدقة متناهية...

اعترافات واعترافات واعترافات....

الله يرحم الشهداء... ويكسر ايدين يلي قاموا بهالعمل هنن والممولين والمخططين والمتسترين والمستفيدين من هكذا أعمال قذرة جبانة...

شكراً مايا