[بلاك 1]

شكرا لجميع المؤيدين ولجميع المارييييننن بين الكلمات العابرة
بالنسبة لموضوع المساواة بين المرأة والرجل هو مجرد مساواة بينهم بالحقوق وبس يعني المرأة قدرت تثبت للكل انو هي قادرة على تحمل كل شي في سبييل تحمي وطنها وشعبها فأكيد هي قادرة انو تعمل المستحيل مشان تحمي حالها وهذا الشي بيزيد انوثتها
نحن ماعم نحكي انو بدنا نساوي المرأة بالرجل بكل شي بس في أشياء الواحد احيانا ما بيستوعبها يعني بضلها المرأة انساااااااااااااااااااااا ااااااااااااااااااااااااا اااااااااان وفيها انسانية أكتر من الرجل طيب ليش يكون للرجل حقوق بتكون اغلبها على حساب المرأة يعني على سبيل المثال بيت عائلة فقيرة فيه 3 أو 4 بنات و ولد واحد او خلينا نحكي ولدين مشان ما تقولو انو وحداني البنات لازم يفنو حالن مشان الولاد يكونو مرتاحين يعني ممكن انو البنت تكون من الصبح لآخر النهار واقفة على رجليها بتنظف وبتطبخ وبتخيط والخ والشب طالع وصايع برات البيت وبس ليجي يشرف حضرتو عالبيت لازم يفيق اختو مشان تقوم تعملو عشا اشو هالكلام الفاضي بس لأنو هو الشب هو الزلمة وحتى لو كانو الشباب متفهمين لتعب اختهن وراعوها من نايحة العشا بتلاقيهم بيضغطو عليها بموضوع الدراسة ولنفرض انو نحنا بعيلة هيك وهيك ومراعين الصبايا بموضوع العشا والدراسة بيضلو مانعينها من الشغل واكيد في كتير عائلات محررة وبتراعي الصبايا بكل المواضيع اللي زكرتها وماعندها اي اعتراض بأي شي والبنت عندها متل الشب بس الا ما يضل في تفريق بينن الشب والبنت ....................................... وخاصة في غزة فلسطين لك ياجماعة هون العالم لسا عايشين بعصور الجاهلية البنت تعتبر عار على العيلة ولازم يتخلصو منها (أكيد مو عند الكل بس الأعلبية هيك) يعني المرأة الفلسطينية المناضلة اللي انا حكيت عنها هي أكتر امرأة مضطهدة في الدنيا والمشكلة انو كل العالم بيقدس المرأة الفلسطينية الا الفلسطينيين وهاد أساس الموضوع يعني شو الحل مشان نقدر نطلع المرأة الفلسطينية المناضلة من حالة التهميش اللي هي عايشة فيه