[بنوتة حلب]

كاتب النص الأصلي : sona78

سلامات بنوتة
بعد ما كتبت شي نص صقحة اتحذف كلشي كتبتو

ع كل مرة تانية
انا عندي مشكلة كبيرة ببشرتي من لما تركت سورية واجيت ع المانيا
صار عندي من عند الانف ونازل بكامل المنطقة جفاف شديد جدا وغالبا بيوصل لمرحلة التشقق وبينزل دم
وعند الوجنتين عندي تكتل دهني ( حبوب بالوش مع اني ما عانيت ابدا سابقا من مشكلة حب الشباب ) وهيدون ايام بيلتهبو بطريقة شديدة واحيانا بيوصل هالتهاب لمنطقة التشقق يعني بيصير بالمنطقة نفسها تقشب شديد والتهاب حبوب دهنية

هي المشكلة دائما بتنحل لما بجي زيارة ع سورية بترجع طبيعة بشرتي الساببقة وما عاد بعاني من ايا مشكلة
ولما برجع ع المانيا منرجع من اول وجديد . طبعا المشكلة بالشتي اكتر من الصيف بس كمان بالصيف بيضبل التقشب موجود
استخدمت عدة كريمات للبشرة وكلها ما نفعت معي وغالبا ما يصير عندي تحسس لاني بالعادة ما بحط ايا كريم مكياج ع وشي ابدا ابدا . قالولي روح لعند طبيب بس بدهاالشغلة موعد قبل سنة!!!
فيكي تساعديني؟؟؟

طيب بفهم من حكيك انو بشرتك جافة جدا هو بالشتى اكيد البشرة بتصير جافة اكتر حتى الدهنية بتتعرض للقشب واكيد على حسب العوامل الخارجية

طيب انو بشرتك من اول وانتي صغيرة كيف كانت ( دهنية ولا عاديه ولا جافة ولا مختلطة ولا حساسه )

لانو هالجفاف هاد ما بيصيب الا البشرة الي بطبيعتها جافة واخدة شي دواء ان كان هرموني او كرتيزون
او من شي كريم احترقت بشرتك وتحسست وماعالجتيها فا وقتا بتصير حساسه جدا وبتتاثر بالعوامل الخارجية
هلاء المانيا بتكون شتويتا قاسية
ولازم عاطول نحط كريم مرطب او زيت زيتون شوي لبين ما تتشربو البشرا منمسحو بمحرمة ناشفة او حليب لازاله الماكياج وبعدين منحط كريم مرطب للبشرة

واحيانا بيصير هيك من العناية الخطأ بالبشرة

اما تكتلات الدهنية فا سببها جفاف البشرة
هلاء حابة اعرف منك توضيحات

1\ شو طبيعت بشرتك قبل ما توصل لهل مرحلة من الجفاف

2\قديش عمرك

3\ازا كنتى مرضانة او معك اضطرابات هرمونيه او عم تاخدي شي ادويه

4\شو بتستعملي او شو ستعملتي كريمات ( ماتزكري اسماء وانما شو هنن ترطيب تغدية للبشرة الدهنية او للجافة )

حاليا جاوبيني على هدول لتكمل الصورة نوعا ما عندي
ونشالله بلاقيلك حل وبعطيكي وصفات طبيعيه
بس بدها صبر ووقت طويل

ونشالله بقدر فيدك