[باشق مجروح]

كاتب النص الأصلي : أبو طريق

لهلأ الكل تقريبا عميحكي بنفس الاتجاه، بس في مشكلة، إنو كتير من البيدوفايلز بيعتبروا أنفسهم طبيعيين بس ميولهم الجنسية مختلفة، وعلى هالأساس بدافعوا عن حالن، ومرة أوبرا ببرنامجها عملت حلقة عن الموضوع، واتضح إنو في إلهن ويب سيت رسمي وإلهن ناس يدافعوا عنهن. هل يللي ملاحظوا إنو في تشابه بين المثليين والبيدوفايلز بطريقة البداية-ما قصدي أي إهانة للمثليين-، إنو أول شي اعتبروا عمينتهكوا أخلاق المجتمع وعميعصوا الرب والدين، هيك لحتى صار إلهم حقوق. وهلأ القصة عمتتكرر من جديد بس مع ميول جنسي آخر.

ما في وجه مقارنة منطقية بين الحالتين.
يعني الشي الي كان يدفع الناس بالقبول بالمثلية الجنسية هو الحرية الشخصية وهذا هو العامل الاساسي . يعني كل فرد حر باختيار شريكه الجنسي .
اما هون صار في غصب للحقوق وبتنتهي الحرية الشخصية . يعني اغتصاب لحرية الاطفال وبدون الأخذ بعين الاعتبار ما يمكن ان يسبب ذلك للطفل . يعني الشغلة طلعت من اطار الحرية الشخصية لتصبح اعتداء صارخ.
وجود هيك ويب سايت ممكن يكون مؤسس من ناس كلهون الهون هالميول او من المنحرفين أنا برأيي ومن المستحيل انو مؤسسات المجتمع المدني والشعب يتقبل هالشي بأي شكل من الأشكال .
للأسف بمجتمعاتنا عم ييحصل ما يسمى الزواج من القاصرين وهذا الشي لازم يحاربو القانون حتى لو ارتضاه الدين والعرف .