أخي على كل هي أفكاركم وآراؤكم وانتو نسبة من الشعب الكبير
انا بالنسبة الي رح قول اتالي عن هالموضوع يلي انحكى فيه كتير والآراء كانت فيه كتيرة وحبيت قول رأيي سواء وافق البعض ام لاء
الرسول محمد عليه الصلاة والسلام بالنسبة النا أهم من أهالينا وأعراضنا ونحن منعرف الضعف والهزل والهوان يلي وصلنالو كأمة مسلمة وعربية ومنعترف انو صار لازمنا تصحيح يبدء من أنفسنا ومن ثم للمجتمع
الرسول متل ماعقب بالسابق كريمبو على موضوع تاني انو مات من 1400 سنة وهاد شي صحيح بس يمكن لما ينحكى عن فكر او لوحة او كتاب لشخص بينحكى عنو وعن شخصه ولو بعد ملايين السنين وانا بأيد هالنقطة أنو لما الرسام استهزء بهالشكل من الرسول كان أكيد بيقصد شخص الرسول بس لما الحكومة الدانماركية بتحتوي الرسومات وبتدافع عنها كحرية رأي وبترفض الاعتذار (على أقل تقدير) فأكيد ماكانت بتقصد الاستهزاء بالرسول الكريم بل فينا نحن المسلمين حول العالم وكانو ناطرين مننا نعمل شي ليشوفو ويفرجو العالم همجية المسلمين الارهابيين من نظرهم وماكانو متصورين يصير يلي صار من مقاطعة اقتصادية وثورة فكرية للمطالبة بالاعتذار والتواصل والحوار مع الحكومة او الرسام او الصحيفة وهاد الشي ولو ماعجب كتير منكون أثر باحصائيات لشركة حليب أنكور وحددت خساراتها اليومية من المقاطعة مليار دولار (لا تسألوني عن المصادر منحكي فيها بعدين) وهنن لما استفزونا هيك كانو بيقصدونا نحن وعن جد شو كان طالع بالايد غير المقاطعة اولاً والمطالبة بالاعتذار تانياً خصوصاً انو لجأنا لحوكمتهم وآثرت حرية الصحيفة على مشاعر الملايين من المسلمين وهية لاحظو يلي ضربت مصالحها بالمناطق الاسلامية وحابب هون اسأل سؤال للشباب هون:
هلأ نحن كأشخاص اذا واحد استهزء بوالدك الله يخللي أهاليكم ويرحم يلي ماتو
بصورة بمسبة بشي شغلة شو بتعمل فيه؟؟؟
وخصوصاً انو لما بسب الأب شخص ما بيكون بيقصد الشخص المسبوب ومو أبوه وهداك بيجن جنانو وبينط وما بيحط ولا الأم
اذا قررت تلجأ للشرطة المتآمرة ويللي يمكن تضحك عليك وبعدو بتلجأ لمحامي بيضوعك وبتضيع معو بقى يمكن بتلجأ لأسلحتك الشخصية يلي هية ايدك يمكن او رجلك
كمان فكرة للأخوة المسيحيين اذا قرر شخص من الدول العربية يستهزء بيسوع ويعمل شي قريب من يللي عملوه كرسم كاريكايتوري ومسخرة عليه (بس المشكلة أنو استهزء المسيحيين الغربيين برسوم عن المسيح) شو ممكن تساوو؟
نحن هي كانت حريتنا بالمقاطعة الشخصية ولو صارت بشكل جماعي بس هية مو رسمية بل شعبية هيك مكنشوف انو فينا نستخدم أسلحتنا
هلأ يلي صار مبارح بيرجع لقصة المثال عن سب الأب او الأهل شو بتعملو؟
طبعاً يلي صار مبارح كتير سيء وعملنا متل ماخططو ومتل مابدهون تماماً والخروج بشكل عشوائي وغير منظم للأسف
وبحديث لوزير الأوقاف ومن ثم مفتي الجمهورية السيد أحمد حسون قال يحزنني جداً وبأكثر بكثير من الرسوم ماحصل من الناس فنحن شعب وأمة نرى أنفسنا على حق ونلجأ للغة الحوار والهدوء والاحتجاج حرية ولكن الاعتداء على اناس متفيئيين بظلنا خطأ كبير وجثيم للأسف
اليوم عم شوف ال CNN
كريستوفر هايوورد صحفي متهودن ومتصهين ومعه من واشنطن أحمد يونس (أميركي مسلم) ومدير رابطة العالم الاسلامي في واشنطن وكان تهجم كريستوفر كله مبني على صور ومشاهد من حرق السفارات في سورية للأسف ومع ان السيد أحمد كان يدافع بقوله هؤلاء هم نسبة قليلة من المسلمين حول العالم ولكن الذي خططوه حصل
مافيي قول غير لا حول ولا قوة الا بالله
وبمنى هون بالمنتدى نكبر شوي وبدون هالمسبات يلي بتفرجونا فيها عضلاتكم خللي نقاشكم أكبر بشوي وماينزل لمستوى السب لناس انجرحو (ولو ماعجبكم) بس مابمنى حدا ينطعن بعقيدته او شخصه او حدا من الناس يلي بيحبهم بالصميم وشو ممكن يساوي وقتها
مع كل التحيات
..........Silent Cries & Mighty Echoes.............
|