مسا الخير
مسا النور يا هلا
حلقة اليوم مع ضيف غيرشكل
هاني داغر اهلا وسهلا فيك
اهلين فيك
رح ابدا معك من ممنوع الحكي وحكي السياسة
سياسة بحياتي ما فهمت فيها شي بحسها ضحك على عقول العالم
انت من اميركا اليوم كيف شايف سوريا ؟
يا سيدي شايفها متل وقت تركتا من سنة ونص نفس الوضع
لاء بالعكس اسوء وخاصة بعد غلا الاسعار (اللي سمعت عنو من كتير عالم ) وبعد قطع الكهربا المتواصل
شواللي ناطره ببلدك
من بلدي ماني ناطر شي
ناطر من شعب بلدي انو يتلحلح شوي ويطلع حوالي ويشوف العالم وين وهوي وين
واشنطن دايما على نغمة تغيير سلوك سوريا
من اللي لازم يغير سلوكه
سلوك من اي ناحية ؟ قصدك يعني من ناحية انو دعم المقاومة الفلسطينية واللبنانية والعراقية ومعارضتا الدائمة للسياسة الامريكية بالمنطقة ؟
برايي هادا كلو تمثيل اللي عم يصير بالخفا وما حدا عم يعرف في هادا هوي الحقيقي
وبتصوري انو سوريا والولايات المتحدة ان ما كانو على خط واحد فهني على خطين متوازيين وعرفانين كيف يلعبو بالاعلام زبالعالم
كيف لبنان اليوم؟
لبنان صرلو على هالحالة من سنة 1982 وما رح يتغير بحياتو
بدي منك كلمة وحدة الى
العماد ميشيل عون
شو رجعك ؟
الرئيس اسماعيل هنية
خالد مشعل
اتفقو مع بعضكن في شي اهم
بثينة شعبان -وزيرة المغتربين-
كيف تعلمتي كل هاللغات واشتغلي شوي لهالمغتربين
وحلوالحكي وحكي الفن
بالفترة الاخيرة ظهرت عدة اعمال شابة تنبئ بمستقبل فني كبير بس اهملها الاعلام بتعتقد ممكن تاخد فرصتون برا؟
المشكلة بالفنانين اللي عم يطلعو هالايام انو عم يروح الصالح بالطالح يعني عم يروح الصوتو حلو مع اللي جيبتو حلوة
رح ياخدو فرصتن برا ؟ قصدك برا يعني بالدول الاجنبية ؟
اي بياخدو فرصتن بس مو بمجال الفن
احلام مستغانمي كيف بتشوفا
نوال السعداوي
حنا مينا
كوليت خوري
للاسف على ايام ما كنت اقرا كنت اقرا ادب اجنبي يعني ميشال زيفاكو اليكساندر ديماس الكبير
بس كان اللي يشدني الروايات البوليسية لاغاثا كريستي
وبعدا انقلبت للكتب العلمية ومعد اهتميت بالكتب الادبية وبعدها لحقت الافلام وتركت القراي
يعني كتاب عرب ما بعرف كتير
قريت ذاكرة الجسد لاحلام متسغانمي وكانت كتير رائعة
هلأ عم ارجع شوي شوي للادب العربي من المكتبة باخوية
كيف الموسيقى معك؟
صحبة بمعظم الاوقات
ريم البنا ؟
جاهدة وهبي
للاسف ماني سمعان اي شي الهن
مصطفى يوزباشي
اخ على مصطفى يوزباشي كنت اسمعلو كتير باخر فترة بسوريا
صوت رائع رائع رائع صوتو من النوع اللي بيبكيني حتى لو ما كان في سبب
هلا نحنا بمواقع معينة بدي منك تفترض
انت قدام مجلس الكونجرس الاميركي عمتدافع عن سوريا ضد قانون محاسبة سوريا معك دقيقة شو بتقول
بقلن حاج تضحكو على هالعالم
انت قدام محكمة ببلد وعم تدافع عن مارسيل خليفة ضد اتهامه بالكفر لما غنا انا يوسف يا ابي
فهمو مرسيل خليفة اول الشي وبعدين روحو سمعو عصفور طل من الشباك ومنتصب القامة امشي واحن الى خبز امي وبعدين تعو حاكمو مرسيل خليفة
موقع اخوية تم اختراقه و تخربط كله وانت الوحيد القادر تعمل شي شوممكن تساوي
بسلم الامور للحكيم لانو هوي قادر اكتر مني على تصليح الامور
هلا اجت المفاجاة الكبرى
كل اعضاء الاخوية بيسلموا عليك وبيقولولك
غنوا لحبيبي وقدموله التهاني
في عيد ميلاده عساها 100 عام
افرح حبيبي واطلب اغلى الاماني
الليلة يا عمري تناديك الاحلام
كل سنة وانت سالم وعقبال ال100 سنة
شكرا كتير عنجد اعضاء اخوية بيجننو هالعيد كان غير شكل عن كل الاعياد الماضية
شكرا كتير للكل بحبكن كلكن
اي سيدي بنرجع لموضوعنا واللي حابب هالمرة اطرحه وهو
انخفاض مستوى الاخوية
شو السبب
غياب كتير من الاعضاء الفعالين اجا بدالهن اعضاء اخدين من اخوية موقع تسلية يفوتو يقضو ساعتين من الوقت علي
وليش فقدت الجدية بالحوار
غياب الاعضاء اللي بتتقبل الفكر الاخر
صارت معظم الاعضاء اذا حضرتك بتخالفها بالراي ما عندها مشكلة تسبك وانتي بنفس الوقت ما رح تسكت وعم تنقلب كل الحوارات لمسبات
ليش ماضل في احترام للاخر وطول الوقت مسبات خاصة بالمنبر الحر
معد في احترام للاخر هادا صار وضع طبيعي مو بس باخوية
وبالمنبر خاصة لانو مشرف المنبر غايب حاليا والله يكون معو
شو اللي ممكن يصير
ما ممكن يصير شي حاليا لاني فاقد الامل من فكرة تقبل الطرف الاخر
اما هلا رح اطلب منكتكنب وصيتك
اوصي والدي ووالدتي ب
يخففو خوفن علي شوي
اوصي حشت نشت ب
العودة الى اخوية
اوصي مابعرف ب
اوصي فراشة ب
ما بعرف كتير عن هالعضوين
اوصي كنان 2006 ب
تابع سلسلة برامجك
اوصي الرئيس القادم للولايات المتحدة ب
حسب شو بدو يكون ديمقراطي او جمهوري
اوصي فخامة الرئيس بشار الأسد ب
يدير بالو عولادو
اعترف ان اجمل عمل قمت به هو
تصميم موقع للمشرفة
واسوأ عمل قمت به هو
اسا ما قمت بعمل سيء يستحق الذكر بس عم فكر قوم في قريبا (طبعا هوي سيء للبعض ومو سيء للبعض الاخر)
ان يصلى علي وادفن ب
المشرفة ضيعتي
هلا حجي اسال اللي بدك وانا حجاوبك
مين اللي شاركك بحط الاسئلة
يشكرك كتير وكل سنةوانت سالم
شكرا كتير
بدي قول شغلة تانية
انو الاسئلة ما كانو كتير سهلين بجوز بسبب ضعف معلوماتي وقلة اطلاعي على كتير شغلات وخصوصي بعد ما اجيت على امريكا
شكرا مرة تانية