[كهربجي]

مسا الخير كهربجي...........

هلا هلا

انا اليوم رح اقدم الحلقة.......و بيشرفني هالشي لانو بطلب من كنان المايسترو و بيشرفني انك ضيفي بهالحلقة


و هي فرشنالك ال RED CARPET .......تفضل

اول شي......باول فقرة من مايسترو حكي السياسة حابة منك بسطر تعلقلي عليهم تقلي شو بتحب و شو بتكره فيهم.........


بنبدا:-



كلينتون؟ بيعجبني فيه أنو كان صريح وواضح وعرف يواجه فضيحة لوينسكي
مابيعجبني فيه أنو رئيس أميركي





تشافيز... مممم... هاد بدو صفنة...
بيعجني فيه أنو بيحب شعبو
ما بيعجبني فيه أنو طايش... يعني هاد مو سياسي..



هون بقى بلتزم الصمت.. أو قلك؟؟
بيعجبني فيه... قرار الزواج.. كان كتير اختيار ممتاز
ما بيعجبني فيه.. مممم.... محمود الأبرش

و اخيرا..........

هي

سولانا.. إذا مو غلطان أنا.. مو سولانا هاد؟؟

شو الشي يلي بتعتقد عم يوقف بوجه سوريا؟ و شو الحل برأيك؟

شعبها... شعب سوريا ماسك حالو.. ما عم ينطلق لقدام.. طبعاً الشعب بمفهومو العام...
الحل ببداية جديدة.. مو منيح التصليح..




بننتقل هلا لفقرة جديدة
فقرة الفن و الفنانين
بس قبل مبروك الاشراف كهرجي

شكراً

شو بتعنيلك الموسيقى؟

من الشغلات القليلة اللي استحقت العبادة.. الموسيقى هي حياتي.. أنا بعزف موسيقى وبسمع 24\7...

تشايكوفسكي شو بمثلك؟

شو عرفك أني بحب تشايكوفسكي؟
لقلك شو بيمثلي بس بدي اشرح شغلة..
في عالم بيخلقو موهوبين.. وهدول بأبدعو..
في عالم أقل شوي موهبة.. بس بيدرسوا وبيشتغلوا على حالون فكمان بيطلع منهون
بس تشايكوفسكي هو من التالتين.. اللي موهوبين وشغيلة.. لهيك أنا بعتبرو من أهم مؤسسين موسيقى العالم الحديثة



الPINK FLOYD?

هنن الثورة اللي غيرت العالم ولساها عم تغيرو وبدها تضل تغيرو ولو ما اعترفو فيها
هنن أحلى شي بيسمعو الواحد مع حشيشة!!
وهنن.... Sed Barrett أولاً أو أخيراً

فيروز؟

أنو أم أعظم شخص بالعالم من فترة طويلة
وأنو غنت لسعيد عقل.. من روائع سعيد عقل



طب بكفي فن لنحكي مجتمع:-

طرحت موضوع مهم كتير بالاخوية و هو حملة اخوية من اجل ايقاف جرائم الشرف

http://www.akhawia.net/showthread.php?t=54980

شو غرضك منه؟ حققت شي برأيك؟ كيف فينا نوقف هيك جرائم؟

غرضي تشوفو.. وتسمعو.. والأهم تحكو كلكون
إي حققت شي.. في عالم اقتنعت بسبب هاد الموضوع بأهمية إلغاء هي المواد من الدستور
كيف؟ قلتلك.. الشعب.. أخخخخ
يعني حاج نقول الحكومة والحكومة.. الشعب في عندو اشكال حقيقي, وما حدا عم يواجه حالو فيه...


شو لازم تعمل المرأة برأيك لتنال حريتها المطلقة.......انت من خلال مشاركاتك قلت انك بتعمل كتير و بتناضل لحريتها.........خبرنا

ما بعرف.. ماني مرأة.
بعمل أني بحترمها.. بصفتها إنسان.. وما بتدخل بخصوصيتها.. وهو أضعف الإيمان

بعدنا بفقرة مجتمع........رح اعرض عليك افراد قلهم كلمة

الوالد..... اشتقتلك
الوالدة...................شكراًً
اختك......................تصطفلي
رفيقتك......................بفضل قول حبيبتي..(ما دخلك بيني و بينها) بس ع كل الأحوال بقلها... thanks for being you
صديق الطفولة.................... يلعن دينك شو أهبل
اخوك..............................بس ما تطلع متلي
مديرك...................................... بفضل قول حبيبتي كمان!! وبقلها نفس الشي



كيف الاشراف معك؟ شو مواصفات المشرف الناجح

الإشراف؟؟ أخخخخ
مواصفات المشرف الناجح؟؟ ما بعرف.. كل مين بينجح شكل وحسب شغلو


شو لازم يتغير بمنبر اخوية الحر؟

ولا شي... بس يرجعوا الشباب اللي تركو

أو قلك.. المشرف.. برجعة كريم

رح اعرض قدامك عدد من اعضاء اخوية شو بتقلهم؟

كنان2006
مرحبا! شلونك؟

ريمي
حسب أي ريمي
إذا اللي بالإنكيزي بقلها.. لسا الحكيم عايش ها! وما خلص شي

فاوست
مرحبا! كيفك؟

كهربجي شو بتقلو
وين نسيت جزداني؟
اتذكر وين كنت من شوي لما استخدمتو
خود إذا يضيع هلق راحوا المصريات والهوية..
ليش بس هيك معك أنت؟؟

صياد
مرحبا! كيفك؟

butterfly
شكراً عالمكتبة.. كتييير شكراً
وفرنا مصاري الله!

the light
كل سميع coldplay بيكون فهمااان



رحلة من الطفولة للشباب.........

رح كون انا طفولتك و بدي اسالك كم سؤال بتمنى تجاوبني بكل صراحة


قلي انا كنت بتمنى حقق شي زمان .....حقق حلم ..........حققتلي اياه ولا لأ؟

ما بعرف.. ما كنت كتير أحلم بشي أنا بقررو... يعني أحلامي سواء تحققت أو لأ أنا ما دخلني فيها... عرفتي كيف؟

انا طفولتك....توفرلي كل شي طلبتو...؟..

لأ

انا طفولتك و صفني بسطرين........شو عمل شبابك؟

طفولتي؟ فيها كتير شغلات.. البحر، والكروم.. والمدرسة.. الرياضيات بالذات...
أحلام أنو نعيش بأمان واستقار.. تحققت (ولو لفترة قصيرة)
حلم كبير أني أكبر وأنا مقتنع باللي عم بعملو ونام مرتاح كل يوم.. هاد اتحقق بعد عناء ومشاكل كتيرة


وهلا فقرة ورقة بيضا بتركلك المساحة لتكتب عن شي عن حدا عنك اذا بدك المساحة الك تصرف


.... ما بعرف.. هي شوي تانية.. بعدين
















قبل ما اختم معك.......بدي حطك بموقف.........صعب ممكن ممكن لا قلي كيف ابتتصرف.......و ليش هيك ابتتصرف

ربحت تذكرة سفر لتستلم جائزة بمبلغ محترم بغير حياتك و بينقذ حدا مريض بعيلتك......بنفس الوقت بتتصل فيك وحدة لتخبرك انه رفيقتك ما عاد بدها تعيش .....و ناوية تنتحر....شو ابتعمل

إذا رفيقتي حبيبتي.. بروح لعندها.. وخلصنا.. يعني ما بدها صفنة بنوب



بالنهاية كهربجي بدي اتشكرك عالحلقة كتير و على وجودك معي.....انشالله ما اكون زودتها و تقلت عليك
و هي بوكيه مني
http://http://www.wiggyflowers.com/i...quetDetail.jpg

أهلين.. بس بالأول جاوبيني... شلون عرفتي هي الشغلات عني؟ بعتقد حقي أعرف