[اممي]

كاتب النص الأصلي : *.• Roaa •.*

انا عن حالي ما شفت هالشي عبوديه.. انوو ممكن تكون ست البيت موظفه

ماعندا وقت مثلا لشغل البيت ,,\\طبعا بحدود .. مو تترك ولادها وزوجها كلو للخدامه \\

فانو شي عادي .. وبعدين اي ان كان مشان المظهر الاجتماعي ...

طول ماهيي ماعم تدايق غيرها .. فليش لا ...

نقطه كمان انوو معامله الخدامه هون بين العيله وربها .. مابتعرف شو بتكون الخدامه نفسها

ممكن تكون منيحه او لا ..

مابعرف بس انا كمان بشوف انو العبوديه مالها معنى بموضوعك ..

انا بعارضك الراي تماما
لان بتعتقد ان تربية الاولاد الي بتفرز خدامة جاية من مجتمع اخر هوه تربية مناسبة ؟
اذا كان الاب والام ماعندن وقت ليربوا اولادهن فليش ليخلفو من اصل؟؟
ثم اذا كانت الخدامة عم تاخد راتب فشو المنفعة الماديةمن عمل احد الابوين؟
ثم انت عم تقولي شو مشكلة ان تتباها بان عندها خدامة .. وهاد صلب العبودية ان الانسان يستغذل الانسان
ويحولو لاداة متل متل السيارة والسجادة والاثاث الباهر .. انا بتعقد هاد الي عم يصير هلق عار عالانسانية

كاتب النص الأصلي : Syrian Gay

أنا كمان رأيي من رأيك ..
وفي كمان شغلة أنو اللفاية برضاها هي عم تشتغل .. هي سافرت بغرض شغل وبتعرف شو هو الشغل ..
مو حدا جابرها أنها تشتغل هالشغل ..
إذا حاجة فـ أوكي ما زال حاجة .. فهادا مانو عبودية ..
في بعض المعاملات يلي بتعاملها الأسر مع اللفاية ممكن نسميه تعامل عبودي .. بس بالأخير هي مانها عبد ..
الها كل حقوقها الإنسانية ببلد الاستضافة ..

وشكراً ع الموضوع ..

اعتقد ان العاهرات كمان بيشتغلو برضاتهم بس هاد مابيعني ان كل واحد نازم يكون الو عاهرة
الفقر هوه الي عم يدفع بنت من اخر ماعمر الله تجي لتشتغل بخمس الاف ليرة ببلد تاني وياريت عم تتعامل متل العامل
الخدامة الي بتجي من برا ماالها اي حقوق لا ببلدنا ولا بالخليج
بتتعامل متل اي غرض .. بتنضرب وبتنهان ومافيها تعمل شي
فهاد ماعبودية !!!

كاتب النص الأصلي : وشم الجمال

اول شي صباح الخير كون الوقت صبح ...

بالنسبة للخدمة فانا بشوفها شغل متلو متل الدكتور متل الممرض متل بياع بالدكان...يعني لما الانسانة ما تلاقي شغل ما رح تخلق شغل رح تترجه للخدمة....فيعني هي شغلة شريفة ما عليها غبار والها احترامها..

الخدمة بتفرق عن الخدامة الاجنبية الي عم تجي لتعيش بالبيوت
الخدامة الي عم تجي مالها اي حق والتجاوزات الي عم تصير مابيتنعد
انا كان عندي رفيق عم يشتغل بمكتب توفير خدامات
وكان بيحكيلي عالي عم يعملوا اصحاب البيوت مع هالمسكينات
طيب حدا سال ليش 90% من العبيد الجدد هنن منن سوريات؟
لان اصحاب البيوت بيسطوطو حيط هالمساكين الي تاركين اهاليهن
ولان السوريات ما بيشتخلوا مع منامة
يعني يمكن تجي لتساعد بطبخ او مسح او يمكن تقعد مع الاولاد بس بالنهاية بترجع لالها
وهاد مابيوفر امكانية التباهي والاتكالية للسينورا ست البيت طول الوقت