[يمان Rooooonaldo]

مرحدا شبيبة .. وشبيبات ..

كيفكن واحدن واحدن هاو ار يو .. يعنوي ..

اي خيو .. هازا ونظرا للعدد المنيح اللي رجع يفوت على القسم .. وانو الحمد لله رجع في رجل بالفوتة الت انو منعمل حركة مسابقة جديدة .. كمان ..

هلا .. بالنسبة للمسابقة القديمة اللي كانت .. تبع التوقعات ما لح ارجع افتحها .. يعني لانو خلص اغلب الدوريات فنشت .. للاسف انو كانت حلوة .. بس حجب الموقع بالشام دبحها دبح ... المهم

هلا .. انتظرو مسابقة توقعات حامية ان شا الله على بداية .. كاس امم اوربا .. 2008 ..

وان شا الله حيكون فيا شغلات مميزة ..


هلا منجي لاعلان المسابقة اللي حابب افتحو هلا .. ناوي اعمل متل مسابقة .. مشكّلة .. حيكون فيها اكتر من فقرة معينة .. حيكون لكل فقرة فيها .. عدد من النقط اللي لح تنعطى لكل متسابق فيها ..

هلا نحكي شوي عن المسابقة .. وعن شكلها كيف بدو يكون .. وكيف حيكون كلشي فيها ..

حيتم اعتماد .. يومين بالاسبوع .. ليتم وضع فقرات كل مسابقة .. فيهم .. واللي هنن حيكونو يومين
السبت .. والتلاتا ..

هلا لح تتضمن المسابقة .. الفقرات التالية ..

* حيكون بكل فقرة .. سؤال رياضي عن معلومات رياضية .. مشكّلة .. وحتكون منوعة ..
* حيكون في صورة .. للعيبة معينين .. لح يتم اللعب شوي فيا عالفوتو شوب .. وبينطلب ذكر اسم اللاعب المحطوط منكم
* حيكون فيها .. صورة رياضية بتضحك .. وحضرت جنابك بدك تعطينا تعليقك .. هيك على الصورة .. وبتم اختيار احلى 3 تعاليق اجت ..


هلا مبدئيا .. حتكون المسابقة متضمنة الفقرات التلاتة السابقة ... بجوز اني ضيف علين شي تاني بعدين .. لسا ما ببالي شي ..


نظام احتساب النقاط حيكون على الشكل التالي :

3 نقاط على الجواب اللي بيتضمن جواب صح عن سؤال المعلومات يللي لح ينحط ..

نقطتين .. للجواب اللي لح يعطي الاسم الصح للصورة المحطوطة ..تبع اللعيبة والملعوب فيها

نقطة وحدة .. لاحلى 3 تعاليق حتكون على الصورة اللي بتضحك ومحطوطة ..

**نقاط اضافية :

حيتم منح +2 نقطة اضافية .. للشخص اللي لح يعرف يحل السؤال والصورة .. ويكون من بين اجمل 3 تعاليق على الصورة اللي بتضحك ..

ملاحظة هامة :
هلا النقطة الوحيدة واللي لازم الكل ينتبهلها .. انو حيكون في شي مختلف عن نظام المسابقة الماضية ..

انو الاجوبة لح تكون على نظام الرسايل الخاصة .. وما تكون منشورة بشكل ردود .. هون بالمسابقة ..

ليش؟

منشان ما يصير لطش .. للاجوبة .. او يصير لطش لاسم اللاعب بالصورة وهيك .. لزلك بكون من الافضل .. انو يكون هاد النظام موجود .. وانا لح اعمل .. طريقة تنظيم .. ونزل .. الاجوبة لكل الاعضاء بعد ما تنتهي الفترة ..
بموضوع النتايج .. وتنحط كل الاجوبة تبعكم ..

ان شا الله .. يكون كلشي واضح .. وازا في ايا سؤال معكم تسالو .. من هون ليوم السبت ..

واللي حابب انو يسجل اسمو بالمسابقة .. يشرفنا ..

وعراسي شبيبة