[Syrian__Angel]

صارت عيب من لما الخليجيين عبو البلد .. و بـ الأخص من السعودية .. لما بتشوفي واحد عمرو 50 سنة .. راكب سيارة بدها شي 200 سنة لتصل لـ سوريا .. و قاعد عم يبصبص عـ بنت عمرا 13-14 سنة .. و عم يلعب بـ .. ( مافي داعي نحكي ) و لا تستغربي أذا كان عم يبصبص عـ ولد عمرو 10 سنين ..

ما بعرف شو دخل اللي حكيتو بالموضوع ؟!!؟
+ جملة صارت عيب من لما ... ما راكزة ولا الها معنى .. انو شو دخل السبب بالنتيجة ما عرفت !!
+ مشان السيارة واديش بدها لتصل لعنــّا ، فـ ما بظنّ هالشي ذنب اي حدا غير حكومتنا والاسعار اللي عاملتا للسيارات والضرائب اللي بتفرضا كـ "رفاهية " ... فـ بلا ما ندخـّـل شي بشي ما دخلو فيه اصلاً
+ بآخر نقطة يمكن اتفق معك فيها جزئياً ، لانــو الاغلبية هيك - او عالاقل ، اغلب اللي بيجو ع سوريا هيك -

هيك و نص و تلت رباع .. بس بظن أنو انا كاتب الموضوع .. لما بكتب الموضوع و بيكون الرد علي شخصياً مو عـ الموضوع .. الشغلة بتنرفز شوي .. و الحكي المطبن ما بيعتبر أهانة مو حياتي ؟

لاء مو هيك "حياتك" ..
انت من وقت اللي كتبت الموضوع شعلت النار و " بلّشت الحرب " ... وحكيك ما كان مبطــّن ..

لما بتجي وحدي " سعودية " بتقلي يلعن أبو الفقر يلي بيساوي البني ادم حمار .. اذا انتي فيكي تسكتي و ما تحكي . انا مافيني ..

معلش .. يا ريت ننتبه للي عم نقولو قبل ما نشتكي على غيرنا باللي عم يردّو ..
مو انت اللي بلّشت !؟
مو في مثل بيقلك " اللي بيدقّ الباب بيسمع الجواب " ؟! .. يعني كان حدا تهجّم عليك وغلط بحقّك لو انت ما عملتلو شي ؟!

و اذا عندك أعتراض .. طلعي عندد الله .. قليلو في بني أدم خالقو غلط .. زبطو ..

يسلمو عـ الملاحظة

اي عندي اعتراض ... ع اسلوبك !!
لكان هاد رد !؟ اطلعي لعند الله !؟


ويا ريت .. يا ريت نوقــّف هيك مواضيع ( ان كان من طرفنا او من طرفن ) ، خلصنا ولو !! تعبنا ونحنا نقول بدنا نرتقي باخوية وبدنا نطلع باخوية ، وبتذكرك من فترة كنت كاتب بالتوقيع شعار لترجــّع اخوية متل ما كانت ...
برأيك هيك رح ترجع يعني ؟! اذا بقينا على نقار ونقير ، وليكو انتو شلون وليكو نحنا شلون ... وكل مالنا لــ ورا ..
وبعدين ..!؟؟



معلش.. خلــّينا نبلّش من حالنا ومن طرفنا ، ونحاول نشيل هالمناقرات اللي ما رح تجيب نتيجة غير الاحقاد ...
واذا لقينا بعدو اسلوب التهجــّم والمسخرة من قبلون ، عالقليلة وقتا بنحط الغلط بعينون ، وقدّام الكل .. وبنقلــّون انـّـو نحنا كنا مناح وفتحنا صفحة بيضا معكن - عسى ولعلّ - وانتو اللي مافي فايدة من التعامل معكن ..
وتقرير مشاركة عاطلة ، ومعتقل ... ومعتقل ... ومعتقل .. لحتى يبطلو هنن كمان ..
وبتنحل ازمة مالطا !

ممكن !؟