[شوط ياقمر]

كاتب النص الأصلي : M i i i D O

بالعكس .. حبيب

أبداً ماني ضد انك تصوت لشخص بتحبو بمنطقية .... حتى لو كان بشار
بالعكس كتير بفرح ... لما شوف شخص ... بيحب شخص تاني ... بس ما بشوفو من منظار اعمى
من منظار انو هوي الشخص الكامل ... واللي تعودت عليه جداً
حلو انو كون شايف عيوبو وشايف منايحو ...
فـ أحييك معلم

هلئ بالنسبة لانو ما قارن الدول العظمى بـ هون ... بهالشي بدي خالفك
لانو طالما متبعين مبدأ ... نحنا منضل احسن من تنزانيا
وتاركين مبدأ المقارنة ... ليش ما نكون متل " روسيا فرضاً او اليابان او او على اعتبار انو دول عظمى"

فـ بحياتنا ما رح نزبط

مو بس بحياتنا مابنزبط .. ولك ولا بنشوفا . اذا كان الحكي عـ أساس التزبيطة شيت روسيا أو اليابان . بدك تئلي ليش ؟ فا هون بئلك . شعبنا مابيتحمل . تخينة شوي عـ مخو . مبهبطا عـ ئياسو . عمـ اوصف 90 بلمية فقط ولاغير ها من التجمع السوري الحاصل .

اذا بدنا نفوت أكتر لـ صمصوم العلة . هي تبعت ليش وكيف حدث وصار وشفت وطلع معك هلشي . مابئدر ئلك . غير انو نزيل علشارع بتشوف ليش . عاشر هلبشر بتعرف ليش .شوف كيف لـ هلأ في خلايئ عايشي بـ القرن التاسع والعاشر . وتخيل عاد هون تفاصيل التفاصيل المبكية . ولا تئلي مادخل . دخل ونص .
بتئلي البركة بلشباب . فا شو يلي رح يطلع بإيد هلشباب لـ يطلع . ئدام هلـ طوفان من التخلف والزبالة . أما اذا عمتحكي عئياس أعضاء أخوية . فا بصير حكي تاني .

ماني سوداوي . أو يأسان من بكرا . انا عمـ احكي عـ المثال يلي طرحتو حضرتك . وانتي بتعرف انك بينك وبين حالك . هيك بساعة صفا . انو يعني . مانك كتير متاخد مع هلفكرة
بجوز بـ أحسن حالاتنا . نصير نتشبه بـ قطر . بوئت يلي بتكون في قطر . عمـ تتشبه بـ الهند .

كأنو طلعنا عن البوتقة تبعت الموضوع .. بس بظن كلو بنفد عـ بعضو .
تحياتي و المبجلة .. ها .