اقتباس:
كاتب النص الأصلي : وشم الجمال
اول شي شو اسم كاتبكـ المفضل؟ والله انا مابقرا كتير .. بس بقرا بالرياضة .. والي كاتبي الرياضي المفضل .. سامر كاسوحة
بتحب الشعر ؟؟ لمين بتقرا؟؟ لا ابدا مابقرا .. بحب الشعر الجاهلي شوي صغيرة بس مابقرا لحدا
شو رأيك بالحب؟؟؟ شي رائع وجميل بالحياة بفتقدلو انا .. وشعور اكتر من رائع .. وجاوبت ع السؤال مرتين
شو رأيك بالسلام؟؟؟ شي حلو وبريح كل الناس وبخليا تعيش بهنا وسعادة .. ويارب كل الناس تعيش بسلام
عمرك حسيت بالظلم؟؟؟ وشو الموقف؟؟ لا لحدا الان مالي شاعر بالظلم ولا مرة الحمدلله ..
شو طموحكـ في الحياة؟ مافي شي محدد ع البركة .. واللي بيجي من الله منيح
شو بتعنيلك السياسة؟؟ مابهتم فيا كتير .. بس في قضايا فيا بتخصني مشان هيك بهتملا ببعض الاحيان
شو اسم الشب و البنت المفضل عندكـ؟ جاوبت ع السؤال مرتين
بشو بتوصف علاقتك بالاخوية؟؟؟ رائعة وحلوة كتير .. متل مازكرت سابقا بالاخوية تعرفت ع ناس بحياتي ماكنت متوع اتعرف عليهن .. وانو تعلمت كتير منا .. وكتير تغيرت افكار الي من ورا الاخوية
هل بتعتبر الوضع بالبلدان العربية حاليا على شفا جرف هار؟؟؟ ممممم تقريبا بس مو بكل البلاد غينان قول هيك
الاغتصاب ... شو الشعور اللي بتخلقو هاي الكلمة بأعماقك؟؟؟ .. الزعل والاسى ع الحضية .. وكتير بتأثر من ضحايا هالجريمة البشعة والكريهة
هل تؤمن بالسلام ؟ اكيد .. بس مو مع كل الناس بمشي السلام
وشو حل القضية الفلسطينية برأيك؟؟؟ باختصار .. فلسطين مارح تتحرر الا بالقوة وبالسلاح .. وبايدنا شعبا .. اما شغل مفاوضات هادا وهالعي الفاضي هادا كلو ضحك ع اللحى وضحك ع العالم .. فلسطين رح ترجع ولو بعد مدة وبالقوة كمان .. وبكفي ومفاوضات واكل هوا .. خلي عنا شوية شرف
شو قمة الصدمة عندك؟؟؟ مافهمت السؤال
شو موقع حسون من الإعراب يعني انت وين وصلت ولوين بدك توصل ؟؟؟ بصراحة انا حياتي مابعرف كيف .. يعني ماوصلت لشي لحدا الان .. ولا ناوي اوصل لشي .. بالعكس حاسس حالي كل مالي لورا .. يعني مافي شي يزكر .. وموقعي من الاعراب كل مالو لورا .. للاسف
شو الشي اللي ما فيك تستغني عنو؟؟؟أساسي بحياتك؟؟؟ موبايل كمبيوتر مصاري
جربت الخيانة؟؟؟ عمرو حدا خانك وعمرك خنت حدا ؟؟ وشو تعريف الخيانة بالنسبة الك؟ الخيانة والله مابتزكر ولا مرة خنت حدا بحياتي .. مابتزكر منيح .. بس انو مابظن لانو عندي الخيانة متل الجبن والخوف .. وماحلو انو اولاحد بنوصف بهالصفة .. وعمرو حدا خاني اي بس مو خيانة بمعنى الكلمة .. نص خيانة تقريبا  ..
شو لونك المفضل ... غنيتك المفضلة؟؟؟ لوني الاحمر او السماوي .. وغنيتي المفضلة جاوبت سابقا
بلد نفسك تزورها؟؟ فرنسا
حدا باخوية نفسك تقلو شي معين... ممممممم بلاك خفف من حديتك .. وشوية احترام لخلق الله
مين العضو يللي اعجبك كتير تفكيرو ونقاشو ظل جيفارا
اكتر عضو حبيتو كتير اعضاء حبيتن .. وبحب تفكيرن والحكي معن وشخصياتن مافينا نقول واحد بس
شو بيعنيلك الشهيد؟؟؟ شي عظيم كتير .. والشهيد يعني ماعندي وصف على هالدرجة اعظيمة اللي وصلولا بعض الناس .. الله يطعمنا ياها
لما تشوف الوضع والحصار بغزة شو بتقول بنفسك؟ والله بصراحة قلبي بيتفطع والله وبعصب كتير وبنقهر لدرجة فظيعة وبتمنى هالشي لحالي ومابتمنى لاهالي غزة وخاصة انو عندي رفقة غزاوية كتير بقطر وبغزة .. وبحبن كتير .. مشان هيك كتير بحترق قلبي ع هالشعب .. بس ماطالع بايدي شي
فلسطين احكيلي عنها بسطر. فلسطين .. امي لاتحزني انا سنفيدكي من شيب وشبانا .. حفظان هالبيت عن فلسطين من زمان وبحبو كتير .. ومابقول غير الله يرجع فلسطين بالسلامة والله يحمي فلسطين والشعب الفلسطيني كلو .. ويرجعن لاراضين ..
يحيى عياش ... شو بيعنيلك؟؟؟ مابعرفو
شو رأيك بنزار قباني... مظفر النواب... محمود درويش... فدوى طوقان... مابعرف غير نزار قباني .. شاعر دمشقي عظيم كتير .. قريتلو كزا مرة بس ماكتير يعني من هوايتو .. بس بحترم هالشخصية العظيمة كتير .. وخاصة انو سوري
بتقرا شعر جاهلي.... اي بس قليل كتير
ازا حبيت وحبيبتك كانت بتحب صديقك شو رح تكون ردة فعلك لما تصارحها وتكتشف هالشي؟ اكيد رح انزعج كتير .. واكيد مارح اسكتلا ع هالشي .. لحتى ربيا او اردلا الشي اللي عملتو وارتاح ..
شو أبشع منظر شفتو بالانتفاضة ... يعني اسرائيلي ... ع البنت الغزاوية اللي كانت ع الشاطئ وهي عبتصرخ يابا يابا اثر فيني كتير
شو أبعد شي ممكن يوصلو خيالك؟ من جهة الخيال .. خيالي انا مالو حدود .. ممكن اوصل غيه لشغلات ماتخطر ع بال حدا بالمرة
بتحب القهوة؟؟؟ مو كتير .. بحب مشتقات القهوة بس القهوة بحدا زاتا مو كتير
عمرك كتبت شي خاطرة ادبية؟ لا ابدا ..
بتحب الادب؟ لا
شو نقطة ضعفك؟ المرتفعات والمحلات العالية .. والعناكب والحيايا
شو نقطة قوتك؟ ممم مابعرف .. بس كتير شغلات بتقويني وحبي لبلدي ببعض الاحيان بحسو نقطة قوتي وشخصيتي احيانا
كلمة بتوجهها لكريم .. الله يفك اسرو واسر كل مظلوم .. والف خط تحت كلمة مظلوم
شو رأيك بهالعبارات... عقب عليها يعني....
1-ايها المارون بين الكلمات العابرة
كالغبار المر مروا اينما شئتم ولكن
لا تمروا بيننا كالحشرات الطائرة
خلنا في ارضنا ما نعمل
و لنا قمح نربيه و نسقيه ندى اجسادنا
:و لنا ما ليس يرضيكم هنا
حجر.. او خجل
فخذوا الماضي،اذا شئتم الىسوق التحف
و اعيدوا الهيكل العظمي للهدهد، ان شئتم
على صحن خزف
لناما ليس يرضيكم ،لنا المستقبل ولنا في ارضنا ما نعمل
2-من أقاصي اليأس يولد دائما منتهى الأمل.
اكيد هالحكي .. يعني ممكن اليأس يطلع منو قوة وامل وعزيمة ... وكتير شفنا ناس عظماء .. زصارو وتصوروا بعد ماكانو فاشلين بحياتن .. ويتمنى هالكلام بنطبق علي شي نهار
3-أما اسرائيل فلم تعد بحاجة إلى الإعلان عن شئ يخص حدود اعتباراتها الأمنية من> تطوعت الأدوات العربية لخوض حربها مع الفلسطينيين ... ومن> تزايد عدد حراسها العرب...
كلام حلو كتير ... يعني وعبعبر عن الحالة وخاصة حالت العرب .. والشي اللي مخبا
4-لبرميل النفط سعر يعلو ويهبط ... ولكن لا سعر لبرميل الدم لا في السوق السوداء ولا في السوق البيضاء.
الدم صار رخيص كتير كتير .. انا بستغرب احيانا انو منشوف خبر ماتو في 100 او 200 وعادي .. مجازر بتصير وعادي .. بقول لحالي معقول الانسان صار رخيص لهالدرجة .. والانسان العربي خصوصا .. بس ازا اجنبي او مواطن اجنبي او اميركي مات .. الله بزاتو بصرعوا وبقمولو الدني مشانو .. شي بيقهر فعلا .. بس مو منن .. من هالعرب والحكومات اللي هنن رخصن شعبن وصرنا عادي ازا مات شي 50 فلسطيني و50 عراقي بيوم واحد .. ولا حدا سال .. وضع مزري
5-جزء كبير من الرحيل هو في حقيقته تحدي الأنا للعالم الخارجي. العالم عتيق كالصخور ومتبدل كالبحر .والأنا ترغب في الوصول الى الاماكن البعيدة سالمة وفي الوقت المحدد
|
رح اعتزر منك سرابو لاني ماجاوبت ع الفقرتين 1- 5 لاني بصراحة ماكتير شاطر بالتعبير وهالحكي هادا وتزبيط الكللام .. فماكتير خرج خبص فين .. ومشان هيك ماجاوبت عنن ..
