هون المشكلة انو منعرف الغلط ومنقول خلص خليها بعدين ربك بيفرجا او خلص نصيبنا هيك
انا معك 100% انو في كتير من شعبنا بسيط ومابيعرف شي بالسياسة بس الحق اكيد مو عليه لانو هو اجا على هي الدنيا وماشاف قدامو غير هل السياسة وغير هل الحزب وغير بيت الاسد !!!
يعني انا برايي انو بالانفتاح السياسي بتنحل هي المشكلة الي انت زكرتها انو ما بيعرف يفرق وقتها رح تجي احزاب جديدة وبتعلن عن برامجها وبيصير في تنافس بين الاحزاب وهون كل حزب اكيد رح يشرح لكل واحد بدو ينتسبلو شو برنامجو ورح يكون في تعدد بالبرامج وبالاهداف وبالمسارات ووقتها كل واحد على راحتو بدو يفوت حزب قومي او حزب علماني او حزب معتدل فهل الشي راجعلو بس اهم شي ما يكون في احزاب دينية ووقتها كلو بيتعدل يا معلم شوي شوي وبصير الي مابيعرف بيعرف
طبعا هل الشي متل الحلم الي مارح يتحقق اذا ضل الوضع متل ما هو
انا بتنفس حرية ما تقطع عني الهوا ولا تزيدا كتير علي احسن ما نوقع سوا